Showing posts with label ଓଡ଼ିଆ ଦୂରଦର୍ଶନ ଅଭିନେତ୍ରୀ. Show all posts
Showing posts with label ଓଡ଼ିଆ ଦୂରଦର୍ଶନ ଅଭିନେତ୍ରୀ. Show all posts
ଲିପି ପରିଡ଼ା
| ଲିପି ପରିଡ଼ା | |
|---|---|
 | |
| ଜନ୍ମ ଓ ଜନ୍ମସ୍ଥାନ | ସଙ୍ଗୀତା ପରିଡ଼ା ୨୦ ଜାନୁଆରୀ ବ୍ରହ୍ମପୁର, ଓଡ଼ିଶା, ଭାରତ |
| ଜୀବିକା | (ଓଡ଼ିଆ) ଅଭିନେତ୍ରୀ |
| କାର୍ଯ୍ୟକାଳ | ୨୦୦୫ରୁ-ଏବେଯାଏଁ |
ଲିପି ଜଣେ ଓଡ଼ିଆ ଆଲବମ ଏବଂ କଥାଚିତ୍ର ଅଭିନେତ୍ରୀ । ମୁଁ ବିନା ଘୁଙ୍ଗୁରରେ ନାଚିବି ଆଲବମ୍ ଜରିଆରେ ଆଲବମ୍ ଦୁନିଆରେ ପ୍ରଥମ ଅଭିନୟ ଆରମ୍ଭ କରିଥିଲେ । ସେ ପାଖାପାଖି ୩୦୦୦ଟି ଆଲବମ୍ରେ ଅଭିନୟ କରିଥିଲେ । ୨୦୦୫ରେ ଓମ୍ ଶାନ୍ତି ଓମ୍ଚଳଚ୍ଚିତ୍ରରେ ଲିପି ପ୍ରଥମେ ଓଡ଼ିଆ କଥାଚିତ୍ର ଜଗତରେ ଅଭିନୟ ଆରମ୍ଭ କରିଥିଲେ । ଏହାପରେ ଦୀର୍ଘଦିନର ବ୍ୟବଧାନ ପରେ ୨୦୧୨ରେ ପୁଣିଥରେ ସେ ବ୍ୟାଡ଼୍ ଗାର୍ଲ ଚଳଚ୍ଚିତ୍ରରେ ନାୟିକା ଭାବରେ ଅଭିନୟ କରିଥିଲେ । ଲିପି ଅନୁଭବ ମହାନ୍ତି, ଦୀପକ, ଦୁଷ୍ମନ୍ତ, ପପୁ, ବୁଲୁ, ଦେବାଶିଷ, ଆକାଶ ଆଦି ଅନେକ ନାୟକଙ୍କ ସହ ଆଲବମ୍ରେ ଅଭିନୟ କରିଛନ୍ତି ।
ପ୍ରାରମ୍ଭିକ ଜୀବନ
ଲିପି ବ୍ରହ୍ମପୁରରେ ଜନ୍ମଗ୍ରହଣ କରିଥିଲେ । ତାଙ୍କ ବାପା ଜଣେ ପୋଲିସ ଆରକ୍ଷୀ ଅଧକ୍ଷ । ସେ ଲିପିଙ୍କୁ ଜଣେ ଆଇ.ପି.ଏସ୍ କରାଇବାର ସ୍ୱପ୍ନ ଦେଖିଥିଲେ । ମାତ୍ର ଲିପି ଛୋଟ ବେଳୁ ଅଭିନୟ ପ୍ରତି ଆକର୍ଷିତ ହେଇଥିଲେ । ଲିପିଙ୍କ ମାଆ ଜଣେ କଥାଚିତ୍ର ଅଭିନେତ୍ରୀ । ଲିପି ବ୍ରହ୍ମପୁରର ମହାମାୟୀ ମହିଳା ମହାବିଦ୍ୟାଳୟରୁ ସ୍ନାତକ ହାସଲ କରିଥିଲେ ।
ଅଭିନୟ ଜୀବନ
ଆଲବମ୍
ଲିପି ଛୋଟବେଳୁ ନୃତ୍ୟ ଏବଂ ଅଭିନୟ ପ୍ରତି ଆକର୍ଷିତ ହୋଇଥିଲେ । ସେ ଛୋଟବେଳୁ ଓଡ଼ିଶୀ ନୃତ୍ୟ ଶିକ୍ଷା କରିଥିଲେ । ଆଲବମ୍ ନିର୍ଦ୍ଦେଶକ ଯତୀନ ନାୟକ ଲିପିଙ୍କୁ ପ୍ରଥମ ଆଲବମ୍ରେ ଅଭିନୟ କରିବାର ସୁଯୋଗ ଦେଇଥିଲେ । ଲିପିଙ୍କର ପ୍ରଥମ ଆଲବମ୍ ଥିଲା ମୁଁ ବିନା ଘୁଙ୍ଗୁରରେ ନାଚିବି । ଆଲବମ୍ ମଧ୍ୟରେ ଅଧିକ ଲୋକପ୍ରିୟ ହୋଇଥିବା ଆଲବମ୍ ହେଉଛି ଜାଇ ଫୁଲ । ଲିପି ପାଖାପାଖି ୩୦୦୦ରୁ ଅଧିକ ଆଲବମ୍ରେ ଅଭିନୟ କରିଛନ୍ତି । ଲିପିଙ୍କୁ ଆଲବମ୍ କୁଇନ୍ ବୋଲି କୁହାଯାଏ । ସେ ସେତେବେଳର ଆଲବମ୍ରେ ଅଭିନୟ କରୁଥିବା ପ୍ରାୟ ସବୁ ନାୟକଙ୍କ ସହ କାମ କରିଥିଲେ ।
ଚଳଚ୍ଚିତ୍ର
ପ୍ରଶାନ୍ତ ନନ୍ଦଙ୍କ ନିର୍ଦ୍ଦେଶିତ ଚଳଚ୍ଚିତ୍ର ଓମ ଶାନ୍ତି ଓମରେ ୨୦୦୫ରେ ଓଡ଼ିଆ କଥାଚିତ୍ରରେ ପ୍ରଥମ ଅଭିନୟ ଆରମ୍ଭ କରିଥିଲେ । ଦୀର୍ଘ ଦିନର ବ୍ୟବଧାନ ପରେ ଲିପି ୨୦୧୨ରେ ବ୍ୟାଡ଼୍ ଗାର୍ଲରେ ପୁଣିଥରେ ଚଳଚ୍ଚିତ୍ରକୁ ଫେରିଥିଲେ । ଏହି ଚଳଚ୍ଚିତ୍ରରେ ମିହିର ଦାସ ଏବଂ ବବ୍ଲି ଲିପିଙ୍କ ସହ ମୁଖ୍ୟ ଭୂମିକାରେ ଥିଲେ । ପରେ ପରେ ମୁକ୍ତିଲାଭ କରିଥିବା ଚଳଚ୍ଚିତ୍ର ହେଉଛି: ଅରିନ୍ଦମ ରାୟଙ୍କ ସହ ଡାଡି, ମୀମାଂସା, ଗଳ୍ପ ନୁହେଁ ଅଳ୍ପ ଦିନର ।
ଅଭିନେତା ମନୋଜ ମିଶ୍ରଙ୍କ ସହ ଆଦିଭୂମି ଚଳଚ୍ଚିତ୍ର ମାଧ୍ୟମରେ ହିନ୍ଦୀ କଥାଚିତ୍ର ଜଗତରେ ଅଭିନୟ ଆରମ୍ଭ କରିଥିଲେ ।
ଦୂରଦର୍ଶନ
ଲିପି ଇ ଟିଭି ଓଡ଼ିଆରେ ପ୍ରସାରିତ କାର୍ଯ୍ୟକ୍ରମ ଅନନ୍ୟାରେ ଜଣେ ଉପସ୍ଥାପିକା ଭାବରେ କାର୍ଯ୍ୟ କରିଥିଲେ । ଏହା ପରେ ସେ ପୁଣିଥରେ ଇ ଟିଭି ଓଡ଼ିଆରେ ଆପଣଙ୍କ ପସନ୍ଦ କାର୍ଯ୍ୟକ୍ରମରେ ମଧ୍ୟ ଉପସ୍ଥାପିକା ଭାବରେ କାର୍ଯ୍ୟ କରିଥିଲେ । ଦୂରଦର୍ଶନରେ ପ୍ରସାରିତ କିଛି କାର୍ଯ୍ୟକ୍ରମରେ ମଧ୍ୟ ଲିପି ବିଚାରିକା ଭାବରେ କାର୍ଯ୍ୟ କରିଥିଲେ । କାହ୍ନୁଚରଣ ମହାନ୍ତିଙ୍କ ଲିଖିତ ଉପନ୍ୟାସ 'କା'ର ନାଟ୍ୟ ରୂପାନ୍ତରରେ ଲିପି ମୁଖ୍ୟ ନାୟିକା ଭୂମିକାରେ ଅଭିନୟ କରିଥିଲେ । ଏହି ଧାରାବାହିକଟି ତରଙ୍ଗ ଟିଭିରେ ପ୍ରସାରିତ ହୋଇଥିଲା ।
ଅଭିନୀତ କଥାଚିତ୍ର
| ବର୍ଷ | ଚଳଚ୍ଚିତ୍ର | ଭୂମିକା |
|---|---|---|
| ୨୦୦୫ | ଓମ ଶାନ୍ତି ଓମ | |
| ୨୦୧୨ | ବ୍ୟାଡ଼୍ ଗାର୍ଲ | |
| ୨୦୧୪ | ଡାଡି | |
| ୨୦୧୫ | ଗଳ୍ପ ନୁହେଁ ଅଳ୍ପ ଦିନର | |
| ୨୦୧୬ | ମୀମାଂସା |
ବଛା ବଛା ଆଲବମ୍
- ଆଲବମ୍ କୁଇନ୍
- ଜାଇଫୁଲ
- ସାଗରେ ତ ରଙ୍ଗ ପରି
ଆଧାର
- ↑ "ବୁଦ୍ଧାଦିତ୍ୟ-ଲିପିଙ୍କ ରୋମାନସ୍ ପରଦାକୁ ଆସି ପାରିନାହିଁ". sambad.in. 7 November 2017. Retrieved 10 March 2018.
- "Kathare Kathare - Actress Lipi - Etv News Odia". ଈ ଟିଭି ନ୍ୟୁଜ ଓଡ଼ିଆ. 16 January 2016. Retrieved 10 March 2017.
- ""Lipi Mohapatra" Odia Album Queen Biography, Career". E News ଓଡ଼ିଆ. 17 September 2016. Retrieved 10 March 2017.
- ↑ "OTV Gap Sap With Odia Heroine LIPI". ଓ ଟିଭି. 28 December 2016. Retrieved 10 March 2017.
ବାହାର ଆଧାର
- ଲିପି (ଇଣ୍ଟରନେଟ ମୁଭି ଡାଟାବେସରେ)
ଲିପ୍ସା ମିଶ୍ର
| ଲିପ୍ସା ମିଶ୍ର | |
|---|---|
 | |
| ଜନ୍ମ ଓ ଜନ୍ମସ୍ଥାନ | ଜୁଲାଇ ୧୫, ୧୯୯୨ ପୁରୀ, ଓଡ଼ିଶା, ଭାରତ |
| ଜୀବିକା | (ଓଡ଼ିଆ) ଅଭିନେତ୍ରୀ |
| କାର୍ଯ୍ୟକାଳ | ୨୦୧୨ରୁ-ଏବେଯାଏଁ |
ଲିପ୍ସା ମିଶ୍ର ଜଣେ ଓଡ଼ିଆ କଥାଚିତ୍ର ଏବଂ ଦୂରଦର୍ଶନ ଅଭିନେତ୍ରୀ । ଲିପ୍ସା ତରଙ୍ଗ ଟିଭିରେ ଧାରାବାହିକ କିଛି ଲୁହ ପିଇଯାଏ ଓଠରେ ଅଭିନୟ ଆରମ୍ଭ କରିଥିଲେ । ୨୦୧୫ରେ ଲିପ୍ସା ଓଡ଼ିଆ କଥାଚିତ୍ର ମାୟା ଜରିଆରେ ଓଡ଼ିଆ କଥାଚିତ୍ର ଜଗତରେ ଅଭିନୟ ଆରମ୍ଭ କରିଥିଲେ ।
ପ୍ରାରମ୍ଭିକ ଜୀବନ
ଲିପ୍ସା ମିଶ୍ର ପୁରୀରେ ଜନ୍ମଗ୍ରହଣ କରିଥିଲେ । ସେ ଉତ୍କଳ ସଙ୍ଗୀତ ମହାବିଦ୍ୟାଳୟରେ +୨ ପଢ଼ୁଥିଲେ । ଏହା ପରେ ସେ ବିଜେବି କଲେଜରେ ଓଡ଼ିଆ ସ୍ନାତକରେ ପଢ଼ୁଥିଲେ ଏବଂ ସେଠାରେ ସେ ଓଡ଼ିଆ ବିଭାଗରେ ସର୍ବାଧିକ ନମ୍ୱର ରଖି ୨୦୧୨ରେ ସ୍ନାତକ ହାସଲ କରିଥିଲେ । ତା' ପରେ ସେ ଉତ୍କଳ ବିଶ୍ଵବିଦ୍ୟାଳୟରେ ଓଡ଼ିଆ ବିଭାଗରେ ପଢ଼ୁଥିଲେ । ଲିପ୍ସା ସପ୍ତମ ଶ୍ରେଣୀରେ ପଢ଼ୁଥିବା ବେଳେ ଓଡ଼ିଶୀ ନୃତ୍ୟ ଶିଖିବା ଆରମ୍ଭ କରଥିଲେ ।
ଅଭିନୟ ଜୀବନ
ଲିସ୍ପା ତରଙ୍ଗ ଟିଭିଦ୍ୱାରା ଆୟୋଜିତ କାର୍ଯ୍ୟକ୍ରମ ବିଗ୍ ବ୍ରେକ୍ରେ ଭାଗ ନେଇ ବିଜୟୀନି ହୋଇଥିଲେ[୪] ଏବଂ ଧାରାବାହିକ କିଛି ଲୁହ ପିଇଯାଏ ଓଠରେ ନାୟିକା ଖୁସି ଭୂମିକାରେ ଅଭିନୟ କରିଥିଲେ ।
ଏହି ଧାରାବାହିକଟି ସରିବା ପରେ ସେ ୨୦୧୫ରେ ମାୟା ଚଳଚ୍ଚିତ୍ର ଜରିଆରେ ଲିପ୍ସା ଓଡ଼ିଆ କଥାଚିତ୍ର ଜଗତରେ ଅଭିନୟ ଆରମ୍ଭ କରିଥିଲେ । ଏହି ଚଳଚ୍ଚିତ୍ରରେ ଲିପ୍ସାଙ୍କ ସହ ଅନୁ ଚୌଧୁରୀ ଏବଂ ସୁନୀଲ କୁମାର ଅଭିନୟ କରିଥିଲେ ।
୨୦୧୫ରେ ଲିପ୍ସାଙ୍କର ଅନ୍ୟ ଏକ ଚଳଚ୍ଚିତ୍ର ମୁକ୍ତିଲାଭ କରିଥିଲା ପିଲାଟା ବିଗିଡ଼ିଗଲା । ଏହି ଚଳଚ୍ଚିତ୍ରଟି ଗୋଟିଏ ହାସ୍ୟାତ୍ମକ ଚଳଚ୍ଚିତ୍ର ଥିଲା, ଯାହାର ନିର୍ଦ୍ଦେଶନା ଦେଇଥିଲେ ବସନ୍ତ ସାହୁ । ଏହି ଚଳଚ୍ଚିତ୍ରରେ ଲିପ୍ସାଙ୍କ ସହ ସବ୍ୟସାଚୀ ମିଶ୍ର, ଅର୍ଚ୍ଚିତା ସାହୁ, ପପୁ ପମ ପମ ଅଭିନୟ କରିଥିଲେ ।
୨୦୧୬ରେ ପୁପିନ୍ଦର ସିଂଙ୍କ ସହ ଲିପ୍ସାଙ୍କର ଗୋଟିଏ ଚଳଚ୍ଚିତ୍ର ଆସିଥିଲା ସମୟ ବଡ଼ ବଳବାନ । ଏହି ଚଳଚ୍ଚିତ୍ରରେ ଅନୁଭା ସୌର୍ଯ୍ୟ ମଧ୍ୟ ଅଭିନୟ କରିଥିଲେ ।
୨୦୧୬ରେ ଲିପ୍ସା କ୍ରିଷ୍ଣା ବେଉରାଙ୍କ ସହ ଏକ ହିନ୍ଦୀ ଗୀତ ଚେହେରା ତେରାରେ ଅଭିନୟ କରିଥିଲେ । ଏହି ଗୀତରେ କ୍ରିଷ୍ଣା କଣ୍ଠଦାନ କରିଥିଲେ ଏବଂ ଅଭିନୟ ମଧ୍ୟ କରିଥିଲେ । ଜି ମ୍ୟୁଜିକଦ୍ୱାରା ଏହି ଗୀତଟି ନିର୍ମିତ ହୋଇଥିଲା ।
ଅଭିନୀତ କଥାଚିତ୍ର
| ବର୍ଷ | ଚଳଚ୍ଚିତ୍ର | ନିର୍ଦ୍ଦେଶକ | ଭୂମିକା | ମନ୍ତବ୍ୟ |
|---|---|---|---|---|
| ୨୦୧୫ | ମାୟା | ଓଡ଼ିଆ କଥାଚିତ୍ର ଜଗତରେ ଅଭିନୟ ଆରମ୍ଭ | ||
| ପିଲାଟା ବିଗିଡ଼ିଗଲା | ବସନ୍ତ ସାହୁ | ମିଠି | ||
| ୨୦୧୬ | ସମୟ ବଡ଼ ବଳବାନ |
ଅଭିନୀତ ଧାରାବାହିକ
| ଧାରାବାହିକ | ଚେନାଲ | ଭୂମିକା |
|---|---|---|
| କିଛି ଲୁହ ପିଇ ଯାଏ ଓଠ | ତରଙ୍ଗ ଟିଭି | ଖୁସି/ଶ୍ରେୟା |
| ତୋ ଅଗଣାର ତୁଳସୀ ମୁଁ | ସାର୍ଥକ ଟିଭି | ତୁଳସୀ/ମା' ବନ୍ଦାବତୀ |
ଆଧାର
- "ତରଙ୍ଗର ନୂଆ ନାୟିକା". ସମାଜ. 12 November 2017. Retrieved 12 November 2017.
- "ଆତ୍ମାରେ ଆସିବେ ଲିପ୍ସା". ସମ୍ୱାଦ. 30 October 2016. Retrieved 16 March 2017.
- "LIPSA MISHRA ORIYA ACTRESS IN AMBIKA KHUDINKA HANDISALA". Incredible Orissa. 7 February 2015. Retrieved 16 March 2017.
- "Odia Actress Lipsa Mishra's Active Career Journey". E News ଓଡ଼ିଆ. 14 September 2016. Retrieved 16 March 2017.
- "ଅଗଣାରେ ବାନ୍ଧି ହୋଇ ଯାଇଛନ୍ତି ଲିପ୍ସା". ସମ୍ବାଦ. 13 September 2016. Retrieved 16 March 2017.
- "Pilata Bigidigala Movie Review by ENews Team". ENews ଓଡ଼ିଆ. Retrieved 16 March 2017.
- "Samaya Bada Balaban". Odia Movie Database. Retrieved 16 March 2017.
- "ଓଡ଼ିଆ କଣ୍ଠଶିଳ୍ପୀଙ୍କ ହିନ୍ଦୀ ଆଲବମ୍". କନକ ନ୍ୟୁଜ. 9 May 2016. Retrieved 16 March 2017.
କାଜଲ ମିଶ୍ର
| କାଜଲ ମିଶ୍ର | |
|---|---|
 | |
| ଜନ୍ମ ଓ ଜନ୍ମସ୍ଥାନ | କାଜଲ ମିଶ୍ର ଓଡ଼ିଶା, ଭାରତ |
| ଜୀବିକା | (ଓଡ଼ିଆ) ଅଭିନେତ୍ରୀ |
| ଜୀବନସାଥି | ଦୁଷ୍ମନ୍ତ ପଣ୍ଡା |
କାଜଲ ମିଶ୍ର, ଜଣେ ଓଡ଼ିଆ କଥାଚିତ୍ର ଏବଂ ଦୂରଦର୍ଶନ ଅଭିନେତ୍ରୀ । ସେ ୨୦୦୫ରେ ଧର୍ମର ହେବ ଜୟ ଚଳଚ୍ଚିତ୍ରରୁ ତାଙ୍କର ଅଭିନୟ ଜୀବନ ଆରମ୍ଭ କରିଥିଲେ । ଏହାପୂର୍ବରୁ ସେ ଓଡ଼ିଆ ଆଧୁନିକ ଆଲ୍ବମ୍ରେ ଅଭିନୟ କରିଥିଲେ । ଇ ଟିଭି ଓଡ଼ିଆରେ ପ୍ରସାରିତ ଧାରାବାହିକ ବଡ଼ ଘର ବଡ଼ ଗୁମର କଥାରେ ତାଙ୍କର ଅଭିନୀତ ଭୂମିକା ଅଞ୍ଜଳୀ ତାଙ୍କୁ ସବୁଠାରୁ ଅଧିକ ଲୋକପ୍ରିୟ କରାଇଥିଲା ।
ପ୍ରାରମ୍ଭିକ ଜୀବନ ଏବଂ ପରିବାର
କାଜଲ ମିଶ୍ର ୨୦୧୧ରେ ଓଡ଼ିଆ କଥାଚିତ୍ର ଅଭିନେତା ଦୁଷ୍ମନ୍ତ ପଣ୍ଡାଙ୍କୁ ବିବାହ କରିଥିଲେ । ତାଙ୍କ ବିବାହବେଳେ ଦୁଷ୍ମନ୍ତ ପୂର୍ବରୁ ଅନ୍ୟଜଣଙ୍କୁ ବିବାହ କରିଥିବା କଥା ଜଣା ପଡ଼ିଥିଲା । ପ୍ରିତୀ ମହାନ୍ତି ନାମକ ଜଣେ ସମ୍ବାଦପତ୍ର ଛାତ୍ରୀଙ୍କୁ ସେ ବିବାହ ଦୁଷ୍ମନ୍ତଙ୍କର ପ୍ରଥମ ସ୍ତ୍ରୀ ଭାବରେ ଦାବି କରି ତାଙ୍କ ବିରୁଦ୍ଧରେ ଏତଲା ଦେଇଥିଲେ ।
ଅଭିନୟ ଜୀବନ
କାଜଲ ମିଶ୍ର ପ୍ରଥମେ ଓଡ଼ିଆ ଆଧୁନିକ ଗୀତରେ ଅଭିନୟ କରିଥିଲେ । ଏହାପରେ ସେ ୨୦୦୫ରେ ଧର୍ମର ହେବ ଜୟ ଚଳଚ୍ଚିତ୍ର ଜରିଆରେ ଓଡ଼ିଆ କଥାଚିତ୍ର ଜଗତରେ ଅଭିନୟ ଆରମ୍ଭ କରିଥିଲେ । ଏହାପରେ ସେ ଥ୍ୟାଙ୍କ ୟୁ ଭଗବାନ, ଧଉଳୀ ଏକ୍ସପ୍ରେସ, ଏ ମନ ମାନେନା, ଚକା ଚକା ଭଉଁରୀ, ଲାଲ ଟୁକୁ ଟୁକୁ ସାଧବ ବୋହୂ, ନେଇ ଯା'ରେ ମେଘ ମତେ, ଆଇଲାରେ ଓଡ଼ିଆ ପୁଅ, ସନ୍ଦେହୀ ପ୍ରିୟତମା ଆଦି କଥାଚିତ୍ରରେ ଅଭିନୟ କରିଥିଲେ ।
କାଜଲ ଓଡ଼ିଆ କଥାଚିତ୍ର ସହ ଓଡ଼ିଆ ଦୂରଦର୍ଶନ ଧାରାବାହିକରେ ଅଭିନୟ ମଧ୍ୟ କରିଥିଲେ । ସେ ଇ ଟିଭି ଓଡ଼ିଆରେ ପ୍ରସାରିତ ଧାରାବାହିକ ବଡ଼ ଘର ବଡ଼ ଗୁମର କଥାରେ ଅଭିନୟ କରିଥିଲେ । ଏହି ଧାରାବାହିକଟିରେ ତାଙ୍କ ଅଭିନୀତ ଅଞ୍ଜଳୀ ଭୂମିକାଟି ସେତେବେଳେ ଓଡ଼ିଶାର ଘରେ ଘରେ ତାଙ୍କୁ ପରିଚିତ କରାଇଥିଲା ।
ଅଭିନୀତ କଥାଚିତ୍ର
| ବର୍ଷ | ଚଳଚ୍ଚିତ୍ର | ଭୂମିକା | ମନ୍ତବ୍ୟ |
|---|---|---|---|
| ୨୦୦୫ | ଧର୍ମର ହେବ ଜୟ | ରାଖି ସ୍ୱାଇଁ | ପ୍ରଥମ ଓଡ଼ିଆ କଥାଚିତ୍ର |
| ୨୦୦୬ | ଥ୍ୟାଙ୍କ ୟୁ ଭଗବାନ | ରାଧା | |
| ୨୦୦୭ | ଏ ମନ ମାନେନା | ଅଞ୍ଜୁ | |
| ଧଉଳୀ ଏକ୍ସପ୍ରେସ | ଅନୁ | ||
| ଚକା ଚକା ଭଉଁରୀ | ରାଧା | ||
| ଲାଲ ଟୁକୁ ଟୁକୁ ସାଧବ ବୋହୂ | ଜୁଲି | ଖଳନାୟିକା | |
| ୨୦୦୮ | ନେଇଯା'ରେ ମେଘ ମତେ | ପୂଜା | |
| ୨୦୦୯ | ଆଇଲାରେ ଓଡ଼ିଆ ପୁଅ | ପ୍ରିୟା | |
| ୨୦୧୩ | ସନ୍ଦେହୀ ପ୍ରିୟତମା |
ଅଭିନୀତ ଧାରାବାହିକ
| ଧାରାବାହିକ | ଚେନାଲ | ଭୂମିକା |
|---|---|---|
| ବଡ଼ ଘର ବଡ଼ ଗୁମର କଥା | ଇ ଟିଭି ଓଡ଼ିଆ | ଅଞ୍ଜଳୀ |
ବିବାଦ
ଓଡ଼ିଶାରେ ଗଢ଼ି ଉଠିଥିବା ଓସ୍କାର ଚିଟ୍ଫଣ୍ଡ ସଂସ୍ଥାରେ ଜଣେ ପ୍ରଚାରିକା ଭାବରେ କାଜଲ ତାଙ୍କର ଅନେକ କାର୍ଯ୍ୟକ୍ରମରେ ଯୋଗ ଦେଇଥିଲେ । ଯେତେବେଳେ ଏହି ସଂସ୍ଥା ବିରୁଦ୍ଧରେ ତଦନ୍ତ ହୋଇଥିଲା ସେତେବେଳେ କାଜଲ ବିବାଦରେ ଛନ୍ଦି ହୋଇପଡ଼ିଥିଲେ ।
ଆଧାର
- "କେନ୍ଦ୍ରୀୟ ପୂଜା କମିଟି ପକ୍ଷରୁ ରଙ୍ଗାରଙ୍ଗ ସାଂସ୍କୃତିକ କାର୍ଯ୍ୟକ୍ରମ ଆୟୋଜିତ". RourkelaCity. 15 September 2011. Retrieved 18 January 2018.
- "ନୂଆବର୍ଷରେ ନୂଆ ସିନେମାର ସମାହାର". odisha.com. 1 January 2009. Retrieved 18 January 2018.
- "marriage of oriya cine star Dusmant Panda & Kajol mishra". Odisha Forum. 2 December 2011. Retrieved 18 January 2018.
- "7 Scandals That Shocked Ollywood". Odisha Sun Times. 30 November 2015. Retrieved 18 January 2018.
- "Actor Dushmant Panda gets conditional bail in city court". Times Of India. 20 December 2011. Retrieved 18 January 2018.
- "ଇଓଡବ୍ଲୁ୍ୟ ନିକଟରେ ଫେରାଦ ହେଲେ ଜମାକାରୀ". Odia Spot News. 17 June 2016. Retrieved 18 January 2018.
ବାହାର ଆଧାର
- କାଜଲ ମିଶ୍ର (ଇଣ୍ଟରନେଟ ମୁଭି ଡାଟାବେସରେ)
ପ୍ରିୟଙ୍କା ମହାପାତ୍ର
| ପ୍ରିୟଙ୍କା ମହାପାତ୍ର | |
|---|---|
 | |
| ଜନ୍ମ ଓ ଜନ୍ମସ୍ଥାନ | ପ୍ରିୟଙ୍କା ମହାପାତ୍ର ଓଡ଼ିଶା, ଭାରତ |
| ଜୀବିକା | (ଓଡ଼ିଆ) ଅଭିନେତ୍ରୀ |
| କାର୍ଯ୍ୟକାଳ | ୧୯୯୪-ଏବେଯାଏଁ |
| ଜୀବନସାଥି | ଦେବୁ ପଟ୍ଟନାୟକ |
ପ୍ରିୟଙ୍କା ମହାପାତ୍ର ଜଣେ ଓଡ଼ିଆ କଥାଚିତ୍ର ଏବଂ ଦୂରଦର୍ଶନ ଅଭିନେତ୍ରୀ । ସେ ୧୯୯୪ ମସିହାରେ ସୁନା ଭାଉଜ ଚଳଚ୍ଚିତ୍ର ଜରିଆରେ ସେ ଓଡ଼ିଆ କଥାଚିତ୍ର ଜଗତରେ ଅଭିନୟ ଆରମ୍ଭ କରିଥିଲେ ।
ପ୍ରାରମ୍ଭିକ ଜୀବନ ଓ ପରିବାର
ପ୍ରିୟାଙ୍କ ଓଡ଼ିଆ ନିର୍ଦ୍ଦେଶକ ଦେବୁ ପଟ୍ଟନାୟକଙ୍କୁ ବିବାହ କରିଥିଲେ ।
ଅଭିନୟ ଜୀବନ
ପ୍ରିୟାଙ୍କା ୧୯୯୪ ମସିହାରେ ସୁନା ଭାଉଜ ଚଳଚ୍ଚିତ୍ର ଜରିଆରେ ଓଡ଼ିଆ କଥାଚିତ୍ର ଜଗତରେ ଅଭିନୟ ଆରମ୍ଭ କରିଥିଲେ । ଏହାପରେ ସେ ଭାଇ ହେଲା ଭଗାରୀ, ରାଖିଲେ ଶିବ ମାରିବ କିଏ, ଜୀବନ ଧାରା, ସୁହାଗ ସିନ୍ଦୂର, ପୁଅ ମୋର ଭୋଳା ଶଙ୍କର, ନୀଳ ମାଷ୍ଟରାଣୀ, ଯଶୋଦା, ସ୍ତ୍ରୀ, କାଳଚକ୍ର, ବାବୁ ପର୍ଶୁରାମ, କାଶିଆ କପିଳା, ସମୟ ଚକରେ ସଂସାର ରଥ ଆଦି ଚଳଚ୍ଚିତ୍ରରେ ନୟିକା, ସହ-ଅଭିନେତ୍ରୀ ଆଦି ଭୂମିକାରେ ଅଭିନୟ କରିଥିଲେ । ଏହାପରେ ସେ ଅନେକ ଚଳଚ୍ଚିତ୍ରରେ ହାସ୍ୟ ଅଭିନେତ୍ରୀ, ଚରିତ୍ର ଅଭିନେତ୍ରୀ ଆଦି ଭୂମିକାରେ ଅଭିନୟ କରିଥିଲେ ।
ଅଭିନୀତ କଥାଚିତ୍ର
| ବର୍ଷ | ଚଳଚ୍ଚିତ୍ର | ଭୂମିକା | ମନ୍ତବ୍ୟ |
|---|---|---|---|
| ୧୯୯୪ | ସୁନା ଭାଉଜ | ମୀନା | |
| ଭାଇ ହେଲା ଭଗାରୀ | ନୀନା | ||
| ରଖିଲେ ଶିବ ମାରିବ କିଏ | ପ୍ରିୟା | ||
| ୧୯୯୫ | ଜୀବନ ଧାରା | ||
| ୧୯୯୬ | ସୁହାଗ ସିନ୍ଦୂର | ଫୁଲ | |
| ପୁଅ ମୋର ଭୋଳା ଶଙ୍କର | ଶାନ୍ତି | ||
| ନୀଳ ମାଷ୍ଟରାଣୀ | |||
| ଯଶୋଦା | ମୀନାକ୍ଷି | ||
| ୧୯୯୮ | ସ୍ତ୍ରୀ | ସୁନ୍ଦରୀ | |
| ୧୯୯୯ | କାଳ ଚକ୍ର | ||
| ୨୦୦୦ | ବାବୁ ପର୍ଶୁରାମ | ତୁଳସୀ | |
| କାଶିଆ କପିଳା | |||
| ୨୦୦୨ | ସମୟ ଚକରେ ସଂସାର ରଥ | ସୁଚିତ୍ରା ମହାପାତ୍ର | |
| ୨୦୦୫ | ତୋ ପାଇଁ | ଅନୀତା | |
| ୨୦୦୭ | ମହାନାୟକ | ରଣଜିତର ସ୍ତ୍ରୀ | |
| ତୋ ପାଇଁ ନେବି ମୁଁ ଶହେ ଜନମ | ଆନନ୍ଦର ସ୍ତ୍ରୀ | ||
| ୨୦୦୮ | ଧନରେ ରଖିବୁ ଶପଥ ମୋର | ବିରେନ୍ଦ୍ରର ସ୍ତ୍ରୀ | |
| ଛାତି ଚିରିଦେଲେ ତୁ | ମହାବୀରର ମାଆ | ||
| ନେଇ ଯା'ରେ ମେଘ ମୋତେ | ସରିତା | ||
| ୨୦୦୯ | ସୁନା ଚଢ଼େଇ ମୋ ରୂପ ଚଢ଼େଇ | ଶାନ୍ତି | |
| ସାତ ସୁରେ ବନ୍ଧା ଏ ଜୀବନ | ଶୋଭା | ||
| ୨୦୧୦ | ଦିଲ୍ ତତେ ଦେଇଚି | ||
| ପହିଲି ରଜ | ସୂର୍ଯ୍ୟର ମାଆ | ||
| ୨୦୧୧ | ଛାତିରେ ଲେଖିଚି ତୋରି ନାଁ | ନିରୁ | |
| ପାଇଶି ପାହାଚେ ଖେଳିବ ମୀନ | |||
| କ୍ରିମିନାଲ୍ | ସୁମିତ୍ରା | ||
| ବାଳୁଙ୍ଗା ଟୋକା | ଚିକୁର ମାଆ | ||
| ଆଇନ୍ କାନୁନ୍ | |||
| ୨୦୧୨ | ମାଟ୍ରିକ ଫେଲ୍ | ଅନ୍ନପୂର୍ଣ୍ଣା | |
| ଇଡିଅଟ୍ | ଲକ୍ଷ୍ମୀ | ||
| ରଙ୍ଗିଲା ଟୋକା | ଶିବର ମାଆ | ||
| ୨୦୧୩ | ମାଇଁ ଲଭ୍ ଷ୍ଟୋରୀ | ||
| ଏସିପି ସାଗରିକା | ସୁନିତା ରାଉତ | ||
| ଚଉକା ଛକା | ସାବିତ୍ରୀ | ||
| ମୁଁ ଏକା ତୁମର | ଜେଜିମା | ||
| ହରି ଓମ୍ ହରି | ରାଧାରାଣୀ | ||
| ୨୦୧୪ | ପୁଣି ଦେଖା ହେବ ଆର ଜନମରେ | ||
| ଲେଖୁ ଲେଖୁ ଲେଖି ଦେଲି | ଅମ୍ରିତାର ମାଆ | ||
| ଆମେ ତ ଟୋକା ଷଣ୍ଢମାର୍କା | |||
| ପାଗଳ କରିଚୁ ତୁ | କାକାର ସ୍ତ୍ରୀ | ||
| ୨୦୧୫ | ଇସ୍କ ତୁ ହି ତୁ | ସ୍ୱାଧୀନର ମାଆ | |
| ଗପ ହେଲେ ବି ସତ | ସରୋଜିନୀ ମିଶ୍ର | ||
| ହେଲୋ ଇନ୍ ଲଭ୍ | |||
| ୨୦୧୬ | ଜବରଦସ୍ତ ପ୍ରେମିକ | ଚନ୍ଦୁର ଭାଉଜ | |
| ଅଗସ୍ତ୍ୟ | ଅଗସ୍ତ୍ୟର ମାଆ |
ଆଧାର
- "Priyanka Mohapatra, Debu Pattnaik in Ambika Khudi Handisala". Incredible Orissa. 26 March 2015. Retrieved 26 March 2018.
ବାହାର ଆଧାର
- ପ୍ରିୟଙ୍କା ମହାପାତ୍ର (ଇଣ୍ଟରନେଟ ମୁଭି ଡାଟାବେସରେ)
ନିକିତା ପରିଜା
| ନିକିତା ପରିଜା | |
|---|---|
 | |
| ଜନ୍ମ ଓ ଜନ୍ମସ୍ଥାନ | ନିକିତା ପରିଜା କଟକ, ଓଡ଼ିଶା, ଭାରତ |
| ଜୀବିକା | (ଓଡ଼ିଆ) ଅଭିନେତ୍ରୀ |
| କାର୍ଯ୍ୟକାଳ | ୨୦୦୫ରୁ-ଏବେଯାଏଁ |
| ବାପା ମା | ହିମାଂଶୁ ପରିଜା (ବାପା) ରୁନୁ ପରିଜା (ମାଆ) |
ନିକିତା ପରିଜା, ଜଣେ ଓଡ଼ିଆ କଥାଚିତ୍ର ଏବଂ ଦୂରଦର୍ଶନ ଅଭିନେତ୍ରୀ । ସେ ଓଡ଼ିଆ କଥାଚିତ୍ର ତୁ ମୋ ଆଖିର ତାରା ଜରିଆରେ ଓଡ଼ିଆ କଥାଚିତ୍ର ଜଗତରେ ଅଭିନୟ ଆରମ୍ଭ କରିଥିଲେ ।ଏହାପରେ ସେ କିଛି ଓଡ଼ିଆ କଥାଚିତ୍ରରେ ନାୟିକ ଏବଂ ପାର୍ଶ୍ୱ ଅଭିନେତ୍ରୀ ଭାବରେ ଅଭିନୟ କରିଥିଲେ । ନିକିତା ଓଡ଼ିଆ କଥାଚିତ୍ର ସହ ଓଡ଼ିଆ ଦୂରଦର୍ଶନ ଧାରାବାହିକରେ ମଧ୍ୟ ଅଭିନୟ କରିଥିଲେ ।
ପ୍ରାରମ୍ଭିକ ଜୀବନ ଏବଂ ପରିବାର
ନିକିତା ଓଡ଼ିଆ କଥାଚିତ୍ର ଜଗତର ଜନାଶୁଣା ନିର୍ଦ୍ଦେଶକ ହିମାଂଶୁ ପରିଜା ଏବଂ ଲୋକପ୍ରିୟ ଅଭିନେତ୍ରୀ ରୁନୁ ପରିଜାଙ୍କ ଝିଅ ।
ଅଭିନୟ ଜୀବନ
କଥାଚିତ୍ର
ନିକିତା ୨୦୦୫ ମସିହାରେ ଓଡ଼ିଆ କଥାଚିତ୍ର ତୁ ମୋ ଆଖିର ତାରା ଜରିଆରେ ଓଡ଼ିଆ କଥାଚିତ୍ର ଜଗତରେ ଅଭିନୟ ଆରମ୍ଭ କରିଥିଲେ । ଏହି କଥାଚିତ୍ରଟିରେ ନିକିତା ନାୟିକା ବର୍ଷା ପ୍ରିୟଦର୍ଶିନୀଙ୍କସାନ ଭଉଣୀ ଭୂମିକାରେ ଅଭିନୟ କରିଥିଲେ । ଏହି କଥାଚିତ୍ରଟିର ନିର୍ଦ୍ଦେଶନା ଦେଇଥିଲେ ସଞ୍ଜୟ ନାୟକ । ଏହି କଥାଚିତ୍ରଟିରେ ସିଦ୍ଧାନ୍ତ ମହାପାତ୍ର, ବିଜୟ ମହାନ୍ତି, କୁନା ତ୍ରିପାଠୀ, ପପୁ ପମ ପମଆଦି କଳାକାରମାନେ ଅଭିନୟ କରିଥିଲେ ।
ଏହାପରେ ନିକିତା ୨୦୧୧ ମସିହାରେ ଓଡ଼ିଆ କଥାଚିତ୍ର ଚୋରି ଚୋରି ମନ ଚୋରିରେ ମୁଖ୍ୟ ନାୟିକା ଭାବରେ ଅଭିନୟ କରିଥିଲେ । ଏହି କଥାଚିତ୍ରଟିରେ ନିକିତାଙ୍କ ସହ ନାୟକ ଭୂମିକାରେ ଅଭିନୟ କରିଥିଲେ ଦେବାଶିଷ ପାତ୍ର । ରାଜୀବ ମହାନ୍ତି ଏହି କଥାଚିତ୍ରଟିର ନିର୍ଦ୍ଦେଶନା ଦେଇଥିଲେ । ଏହି କଥାଚିତ୍ରଟିରେ ମିହିର ଦାସ, କୁନା ତ୍ରିପାଠୀ, ସ୍ନିଗ୍ଧା ମହାନ୍ତି, ଜୀବନ ପଣ୍ଡା, ମୀନକେତନ, ଭଗବାନ, ପୁଷ୍ପା ପଣ୍ଡା, ପିଣ୍ଟୁ ନନ୍ଦ ଆଦି କଳାକାରମାନେ ଅଭିନୟ କରିଥିଲେ ।
୨୦୧୨ରେ ନିକିତା ଓଡ଼ିଆ କଥାଚିତ୍ର ମୁଁରେ ଅଭିନୟ କରିଥିଲେ । ଏହି କଥାଚିତ୍ରଟିର ନିର୍ଦ୍ଦେଶନା ଦେଇଥିଲେ ନିଶିକାନ୍ତ ଦଳବେହେରା । ଏହି କଥାଚିତ୍ରଟିରେ ସୁମନ, ମିହିର ଦାସ, ରୋମି, ରଫି, ପ୍ରଜ୍ଞା, ବୀଣା ମହାପାତ୍ର, ରବି ମିଶ୍ର, ଚୌଧୁରୀ ଜୟପ୍ରକାଶ ଦାସ, ବିଭୂତି ତ୍ରିପାଠୀ, ଦେବୀ ବାରିକ ଆଦି କଳାକାରମାନେ ଅଭିନୟ କରିଥିଲେ ।
୨୦୧୩ରେ ନିକିତା ମିତ ବସିଛି ମୁଁ ଭୂତ ସାଥିରେ କଥାଚିତ୍ରରେ ଅଭିନୟ କରିଥିଲେ । ଏହି କଥାଚିତ୍ରଟିର ନିର୍ଦ୍ଦେଶନା ଦେଇଥିଲେ ସଞ୍ଜୟ ନାୟକ । ଆକାଶ ଦାସନାୟକ, ପ୍ରିୟା ଚୌଧୁରୀ, ଦୁଷ୍ମନ୍ତ ପଣ୍ଡା, ବିଜୟ ମହାନ୍ତି, ସ୍ନିଗ୍ଧା ମହାନ୍ତି, କୁନା ତ୍ରିପାଠୀ ଆଦି କଳାକାରମାନେ ଏହି କଥାଚିତ୍ରଟିରେ ଅଭିନୟ କରିଥିଲେ ।
୨୦୧୬ ମସିହାରେ ମୁକ୍ତିଲାଭ କରିଥିବା ଓଡ଼ିଆ କଥାଚିତ୍ର ଗୁଣ୍ଡାରେ ନିକିତା ଅଭିନେତା ସିଦ୍ଧାନ୍ତ ମହାପାତ୍ରଙ୍କ ସହ ଅଭିନୟ କରିଥିଲେ । ଏହି କଥାଚିତ୍ରଟିର ନିର୍ଦ୍ଦେଶନା ଦେଇଥିଲେ ଶୁଭାଶିଷ ପତି । ଝାନ୍ସି ରାଣୀ, ମିହିର ଦାସ, ରକ୍ ପାତ୍ର, ବାପି ରାୟ, ହିମିକା, ପ୍ରଜ୍ଞା ଖଟୁଆ, ମାମୁନି ମିଶ୍ର ଆଦି କଳାକାରମାନେ ଏହି କଥାଚିତ୍ରଟିର ବିଭିନ୍ନ ଭୂମିକାରେ ଅଭିନୟ କରିଥିଲେ ।
ଦୂରଦର୍ଶନ
ନିକିତା ଓଡ଼ିଆ କଥାଚିତ୍ର ବ୍ୟତୀତ ଓଡ଼ିଆ ଦୂରଦର୍ଶନରେ କିଛି ଧାରାବାହିକରେ ଅଭିନୟ କରିଛନ୍ତି । ସେ ଇ ଟିଭି ଓଡ଼ିଆରେ ପ୍ରସାରିତ ଧାରାବାହିକ ତପସ୍ୟାରେ ଶୀର୍ଷକ ଭୂମିକାରେ ଅଭିନୟ କରିଥିଲେ । ଏହି ଧାରାବାହିକରେ ତାଙ୍କ ମାଆ ରୁନୁ ପରିଜା ମଧ୍ୟ ତପସ୍ୟାର ମାଆ ଭୂମିକାରେ ଅଭିନୟ କରିଥିଲେ । ଏହି ଧାରାବାହିଟି ପ୍ରସାରିତ ହେଉଥିବାବେଳେ ତାଙ୍କ ମାଆଙ୍କର ଦେହାନ୍ତ ଘଟିଥିଲା ।
ଏହାପରେ ନିକିତା ତରଙ୍ଗ ଟିଭିରେ ପ୍ରସାରିତ ଧାରାବାହିକ ଏସପି ନିକିତାରେ ଶୀର୍ଷକ ଭୂମିକାରେ ଅଭିନୟ କରିଥିଲେ । ଏହି ଧାରାବାହିକଟି ଚାଲିଥିବାବେଳେ ହଠାତ୍ ଧାରାବାହିକଟିର ଅଧିକାଂଶ କଳାକାର ବଦଳି ଯାଇଥିଲେ । ତେଣୁ ନିକିତା ମଧ୍ୟ ଅଧାରୁ ଧାରାବାହିକଟି ଛାଡ଼ିଥିଲେ ଏବଂ ଅନ୍ୟ ଜଣେ ନାୟିକା ତାଙ୍କ ଭୂମିକାରେ ଅଭିନୟ କରିଥିଲେ ।
ଅଭିନୀତ କଥାଚିତ୍ର
| ବର୍ଷ | ଚଳଚ୍ଚିତ୍ର | ଭୂମିକା | ମନ୍ତବ୍ୟ |
|---|---|---|---|
| ୨୦୦୫ | ତୁ ମୋ ଆଖିର ତାରା | ନିକି | ପ୍ରଥମ ଓଡ଼ିଆ କଥାଚିତ୍ର |
| ୨୦୧୧ | ଚୋରି ଚୋରି ମନ ଚୋରି | ଖୁସି | ନାୟିକା ଭାବରେ ପ୍ରଥମ ଓଡ଼ିଆ କଥାଚିତ୍ର |
| ୨୦୧୧ | ମଥାରେ ଦେଇ ପାଟ ଓଢ଼ଣୀ | ||
| ୨୦୧୨ | ମୁଁ | ପ୍ରିୟା | |
| ୨୦୧୩ | ମିତ ବସିଛି ମୁଁ ଭୂତ ସାଥିରେ | ଲକ୍ଷ୍ମୀ | |
| ୨୦୧୬ | ଗୁଣ୍ଡା |
ଅଭିନୀତ ଧାରାବାହିକ
| ଧାରାବାହିକ | ଚେନାଲ | ଭୂମିକା |
|---|---|---|
| ତପସ୍ୟା | ଇ ଟିଭି ଓଡ଼ିଆ | ତପସ୍ୟା |
| ଏସିପି ନିକିତା | ତରଙ୍ଗ ଟିଭି | ନିକିତା |
ଆଧାର
- "ବଡ଼ ନିକିତାଙ୍କ ପରେ ଏବେ ସାନ ନିକିତାଙ୍କ ପାଳି". sambad.in. 3 March 2018. Retrieved 5 March 2018.
- "ଓଲିଉଡରେ ଏକା ନାମରେ ଅଛନ୍ତି ଏ ଦୁଇ ଅଭିନେତ୍ରୀ". sambad.in. 23 November 2017. Retrieved 18 February 2018.
- "CHORI CHORI MANA CHORI". ORIYA NEWS. Retrieved 5 March 2018.
- "Odia Movie “Mun”". NewOdisha.in. 4 September 2012. Retrieved 20 November 2017.
- "Mu New Oriya Movie". Incredible Orissa. 18 July 2012. Retrieved 20 November 2017.
- "Mita Basichi Mu Bhuta Sathire". Incredible Orissa. 24 September 2011. Retrieved 7 November 2017.
- "MITA BASICHI MU BHUTA SATHIRE". Incredbile Orissa. 20 September 2013. Retrieved 7 November 2017.
- "କେଉଁଠି ଏବେ ଏହି ଓଲିଉଡ ନାୟିକା?". ସମ୍ବାଦ. 1 September 2017. Retrieved 8 September 2017.
- "“ଗୁଣ୍ଡା’ରିଲିଜ୍ ପାଇଁ ପ୍ରସ୍ତୁତ". ଓଡ଼ିଶା ଟାଇମ୍. 19 September 2016. Retrieved 27 July 2017.
ବାହାର ଆଧାର
- ନିକିତା ପରିଜା (ଇଣ୍ଟରନେଟ ମୁଭି ଡାଟାବେସରେ)