ରାଜେଶ୍ୱରୀ ରାୟ (Rajsawri Ray)
ରାଜେଶ୍ୱରୀ ରାୟ | |
|---|---|
 | |
| ଜନ୍ମ ଓ ଜନ୍ମସ୍ଥାନ | ବାଲେଶ୍ୱର, ଓଡ଼ିଶା, ଭାରତ |
| ମୃତ୍ୟୁ | ୨୦ ଜୁଲାଇ ୨୦୨୨ (୩୭ ବର୍ଷ) ଭୁବନେଶ୍ୱର |
| ମୃତ୍ୟୁର କାରଣ | ଫୁସଫୁସ କର୍କଟ, ମସ୍ତିଷ୍କ କର୍କଟ |
| ଅଲଗା ନାଆଁ | ରାଜେଶ୍ୱରୀ ରାୟ ମହାପାତ୍ର |
| ଜୀବିକା | (ଓଡ଼ିଆ) ଅଭିନେତ୍ରୀ |
| କାର୍ଯ୍ୟକାଳ ଜୀବନସାଥୀ | ୨୦୦୮ - ୨୦୨୨ ସଞ୍ଜୟ ମହାପାତ୍ର (୨୦୧୬ -୨୦୨୨) |
ରାଜେଶ୍ୱରୀ ରାୟ (English: Rajsawri Ray; ମୃତ୍ୟ: ୨୦ ଜୁଲାଇ ୨୦୨୨) ଜଣେ ଓଡ଼ିଆ ଅଭିନେତ୍ରୀ ଥିଲେ । ସେ ଓଡ଼ିଆ କଥାଚିତ୍ର ଏବଂ ଦୂରଦର୍ଶନରେ ଧାରାବାହିକରେ ମୁଖ୍ୟତଃ ଖଳନାୟିକା ଭୂମିକାରେ ଅଭିନୟ କରୁଥିଲେ । ସେ ଓଡ଼ିଆ କଥାଚିତ୍ର ସତ୍ୟମେବ ଜୟତେ ଜରିଆରେ ଓଡ଼ିଆ କଥାଚିତ୍ର ଜଗତରେ ଅଭିନୟ ଆରମ୍ଭ କରିଥିଲେ । ସେ ବସୁନ୍ଧରା, ସଂସ୍କାର, ସ୍ୱାଭିମାନ, ଦେବୀ, କୁମ୍କୁମ୍, ଉଆଁସୀ କନ୍ୟା, ତୋ ପାଇଁ ମୁଁ ଆଦି ଧାରାବାହିକରେ କାର୍ଯ୍ୟ କରିଥିଲେ ।[୧]
ସେ ବାଲେଶର ଜିଲ୍ଲରେ ଜନ୍ମଗ୍ରହଣ କରିଥିଲେ । ୨୦୧୬ ମସିହାର ଡିସେମ୍ବର ୧୬ ତାରିଖରେ ସେ ସଞ୍ଜୟ ମହାପାତ୍ରଙ୍କୁ ବିବାହ କରିଥିଲେ ।
ଅଭିନୟ ଜୀବନ
ସେ ପ୍ରଥମେ ଦୂରଦର୍ଶନ ଓ ମଞ୍ଚରେ ଉପସ୍ଥାପନା କରିବା ଆରମ୍ଭ କରିଥିଲେ ଏବଂ ପରବର୍ତ୍ତୀ ସମୟରେ ଧାରାବାହିକରେ ଅଭିନୟ କରିଥିଲେ ।[୨] ଓଡ଼ିଆ ଧାରାବାହିକ ଜଗତରେ ଜଣେ ଖଳନାୟିକା ଭାବରେ ସେ ଜଣାଶୁଣା ଥିଲେ । ସେ ଡିଡି ଓଡ଼ିଆର ବସୁନ୍ଧରା, ଇଟିଭି ଓଡ଼ିଆର ସଂସ୍କାର, ଓଟିଭିର ଦେବୀ, ତରଙ୍ଗର ସ୍ୱାଭିମାନ,[୩] ଉଆଁସୀ କନ୍ୟା,[୪] କଲର୍ସ ଓଡ଼ିଆର କୁମ୍କୁମ୍ ଓ ଜୀ ସାର୍ଥକର ତୋ' ପାଇଁ ମୁଁ ଭଳି ଧାରାବାହିକ ଅଭିନୟ କରିଥିଲେ ।
ତରଙ୍ଗ ଟିଭିରେ ପ୍ରସାରିତ ଧାରାବାହିକ ଉଆଁସୀ କନ୍ୟାରେ ସେ ନିଭେଇଥିବା ଅଳକା ନାମକ ଖଳନାୟିକା ଚରିତ୍ର ପାଇଁ ଅନେକ ଲୋକପ୍ରିୟତା ସାଉଣ୍ଟିଥିଲେ ।[୫][୬] ଜୀ ସାର୍ଥକରେ ପ୍ରସାରିତ ଧାରାବାହିକ ତୋ' ପାଇଁ ମୁଁ ଥିଲା ତାଙ୍କ ଅଭିନୀତ ଶେଷ ଧାରାବାହିକ ।[୭][୮]
୨୦୦୮ ମସିହାରେ ସେ ଓଡ଼ିଅ କଥାଚିତ୍ର ସତ୍ୟମେବ ଜୟତେ ଜରିଆରେ ଓଡ଼ିଅ କଥାଚିତ୍ର ଜଗତରେ କାମ କରିବା ଆରମ୍ଭ କରିଥିଲେ ଏବଂ ପରେ ପରେ ଆରେ ସାଥୀ ଆ, ବ୍ଲାକ୍ମେଲ୍ ଭଳି କଥାଚିତ୍ରରେ ଅଭିନୟ କରିଥିଲେ ।
ଧାରାବାହିକ ଓ କଥାଚିତ୍ରରେ କାମ କରିବା ବ୍ୟତୀତ ସେ କିଛି ଓଡ଼ିଆ ଆଲ୍ବମ୍ ଗୀତରେ ମଧ୍ୟ ନୃତ୍ୟ କରିଥିଲେ ।[୯]
ଅଭିନୀତ କଥାଚିତ୍ର
ଚଳଚ୍ଚିତ୍ର
| ବର୍ଷ | ଚଳଚ୍ଚିତ୍ର | ଭୂମିକା | ମନ୍ତବ୍ୟ |
|---|---|---|---|
| ୨୦୦୮ | ସତ୍ୟମେବ ଜୟତେ | ଓଡ଼ିଆ କଥାଚିତ୍ର ଜଗତରେ ଅଭିନୟ ଆରମ୍ଭ | |
| ୨୦୦୯ | ଆ'ରେ ସାଥି ଆ | ||
| ୨୦୧୮ | ବ୍ଲାକ୍ମେଲ୍ |
ଦୂରଦର୍ଶନ
| କାର୍ଯ୍ୟକ୍ରମ | ଚେନାଲ | ଭୂମିକା |
|---|---|---|
| ବସୁନ୍ଧରା | ଡିଡି ଓଡ଼ିଆ | |
| ସଂସ୍କାର | ଇଟିଭି ଓଡ଼ିଆ | |
| ଦେବୀ | ଓ ଟିଭି | |
| ଉଆଁସୀ କନ୍ୟା | ତରଙ୍ଗ ଟିଭି | ଅଳକା |
| ସ୍ୱାଭିମାନ | ତରଙ୍ଗ ଟିଭି | |
| କୁମ୍କୁମ୍ | କଲର୍ସ ଓଡ଼ିଆ | |
| ତୋ' ପାଇଁ ମୁଁ | ଜୀ ସାର୍ଥକ | ତାରା ପଟ୍ଟନାୟକ |
ମୃତ୍ୟୁ
ରାଜେଶ୍ୱରୀ ୨୦୨୨ ମସିହାର ଜୁଲାଇ ୨୦ ତାରିଖରେ ଭୁବନେଶ୍ୱରର ଏକ ଘରୋଇ ଡାକ୍ତରଖାନାରେ ଚିକିତ୍ସାଧୀନ ଅବସ୍ଥାରେ ମୃତ୍ୟୁବରଣ କରିଥିଲେ ।[୧୦][୧୧] ସେ ୨୦୧୯ ମସିହାରେ ଫୁସ୍ଫୁସ୍ ଓ ମସ୍ତିଷ୍କ କର୍କଟରେ ପୀଡ଼ିତ ହୋଇଥିଲେ ।[୧୨][୧୩][୧୪] ପ୍ରଥମ ଚିକିତ୍ସା ପୁରେ ସୁସ୍ଥ ହୋଇ ପୁଣିଥରେ ଅଭିନୟ କରୁଥିଲେ, ମାତ୍ର ବାଲେଶ୍ୱରରେ ଥିବାବେଳେ ହଠାତ୍ ଅସୁସ୍ଥ ହୋଇପଡ଼ିଥିଲେ ।[୧୫] ମୃତ୍ୟୁବେଳକୁ ତାଙ୍କୁ ୩୭ ବର୍ଷ ବୟସ ହୋଇଥିଲା ।[୧୬]
ଆଧାର
- ↑ Nayak, Subhashree (21 July 2022). "ରାଜେଶ୍ୱରୀ ରାୟ ମହାପାତ୍ରଙ୍କୁ ଝୁରିବ ଟେଲି ଜଗତ". OdishaLIVE. Archived from the original on 21 July 2022. Retrieved 21 July 2022.
- ↑ "Popular Odia actress Rajeshwari passes away". Argus News (in English). Bhubaneswar. 21 July 2022. Archived from the original on 21 July 2022. Retrieved 21 July 2022.
- ↑ Das, Haraprasad (21 July 2022). "Odia tele actress Rajeswari Ray Mohapatra passes away". Pragativadi (in English). Bhubaneswar. Archived from the original on 21 July 2022. Retrieved 21 July 2022.
- ↑ Ranjan, Rashmi (21 July 2022). "Eminent Odia tele actress Rajeswari Ray Mohapatra no more". OTV News (in English). Bhubaneswar. Archived from the original on 21 July 2022. Retrieved 21 July 2022.
- ↑ Pattnaik, Sagarika (21 July 2022). "ପରଲୋକରେ ଟେଲି ଅଭିନେତ୍ରୀ ରାଜେଶ୍ୱରୀ - Dharitri". ଧରିତ୍ରୀ (in ଓଡ଼ିଆ). ଭୁବନେଶ୍ୱର: ଧରିତ୍ରୀ ଓଡ଼ିଆ ପୋର୍ଟାଲ୍. Archived from the original on 21 July 2022. Retrieved 21 July 2022.
- ↑ "ସିନେ ଜଗତକୁ ଝଟ୍କା, ଟେଲି ଅଭିନେତ୍ରୀ ରାଜେଶ୍ୱରୀ ରାୟଙ୍କ ପରଲୋକ". ETV Bharat News. ଭୁବନେଶ୍ୱର. 21 July 2022. Archived from the original on 21 July 2022. Retrieved 21 July 2022.
- ↑ "Odisha TV Actor Rajeswari Ray Mahapatra Passes Away". odishabytes. Bhubaneswar. 21 July 2022. Archived from the original on 21 July 2022. Retrieved 21 July 2022.
- ↑ Dash, Chinmayee (21 July 2022). "Odia television actress Rajeswari Ray Mahapatra no more". Sambad English (in English). Bhubaneswar: sambadenglish.com. Archived from the original on 21 July 2022. Retrieved 21 July 2022.
- ↑ "ଜୀବନ ଯୁଦ୍ଧରେ ହାରିଗଲେ ଟେଲି ଅଭିନେତ୍ରୀ ରାଜେଶ୍ୱରୀ, କ୍ୟାନସରରେ ଥିଲେ ପୀଡିତ". Prameyanews7. ଭୁବନେଶ୍ୱର. 21 July 2022. Archived from the original on 21 July 2022. Retrieved 21 July 2022.
- ↑ "Popular Odia tele actress Rajeswari Ray Mohapatra passes away". Prameya English (in English). Bhubaneswar. 21 July 2022. Archived from the original on 21 July 2022. Retrieved 21 July 2022.
- ↑ SAHOO, RAJALAXMI (21 July 2022). "ପରଲୋକରେ ଓଡ଼ିଆ ଅଭିନେତ୍ରୀ ରାଜେଶ୍ୱରୀ ରାୟ". ଓ ଟିଭି. ଓ ଟିଭି ଖବର. Archived from the original on 21 July 2022. Retrieved 21 July 2022.
- ↑ "Odia tele actress Rajeswari Ray Mohapatra passes away". KalingaTV (in English). Bhubaneswar. 21 July 2022. Archived from the original on 21 July 2022. Retrieved 21 July 2022.
- ↑ Routray, Rituparna (21 July 2022). "ଆଉନାହାନ୍ତି ଅଭିନେତ୍ରୀ ରାଜେଶ୍ୱରୀ ରାୟ : ଟେଲି ଓ ଓଲିଉଡ୍ ଜଗତରେ ଶୋକର ଛାୟା | Kanak News". କନକ ନ୍ୟୁଜ୍. Archived from the original on 21 July 2022. Retrieved 21 July 2022.
- ↑ "ପରପାରିରେ ଓଡ଼ିଆ ଅଭିନେତ୍ରୀ ରାଜେଶ୍ୱରୀ ରାୟ". Zee ଓଡ଼ିଶା News. ଭୁବନେଶ୍ୱର. 21 July 2022. Archived from the original on 21 July 2022. Retrieved 21 July 2022.
- ↑ WCW 4 (2022-07-21). "ଜୀବନ ଯୁଦ୍ଧରେ ହାରିଗଲେ କ୍ଯାନସର ସରଭାଇଭର ରାଜେଶ୍ୱରୀ". KNews Odisha (in ଇଂରାଜୀ). Archived from the original on 21 July 2022. Retrieved 2022-07-21.
- ↑ "ଅଫେରା ରାଇଜରେ ଟେଲି ଅଭିନେତ୍ରୀ ରାଜେଶ୍ୱରୀ". ସମାଜ. ଭୁବନେଶ୍ୱର: Samaja Live. 21 July 2022. Archived from the original on 21 July 2022. Retrieved 21 July 2022.
ସୁପ୍ରିୟା ନାୟକ
ସୁପ୍ରିୟା ନାୟକ | |
|---|---|
 | |
| ଜନ୍ମ ଓ ଜନ୍ମସ୍ଥାନ | ସୁପ୍ରିୟା ନାୟକ ଜଗତସିଂହପୁର, ଓଡ଼ିଶା, ଭାରତ |
| ଜୀବିକା | (ଓଡ଼ିଆ) ଅଭିନେତ୍ରୀ |
| କାର୍ଯ୍ୟକାଳ | ୨୦୧୬ରୁ-ଏବେଯାଏଁ |
ସୁପ୍ରିୟା ନାୟକ (Supriya Nayak) ଜଣେ ଓଡ଼ିଆ କଥାଚିତ୍ର ଅଭିନେତ୍ରୀ । ସେ ଓଡ଼ିଆ କଥାଚିତ୍ର ଲଭ୍ ପାଇଁ କୁଛ୍ ଭି କରେଗା ଜରିଆରେ ଓଡ଼ିଆ କଥାଚିତ୍ର ଜଗତରେ ଅଭିନୟ ଆରମ୍ଭ କରିଥିଲେ । ସୁପ୍ରିୟା ୨୦୧୪ର ମିସ୍ ଓଡ଼ିଶା ପ୍ରତିଯୋଗୀତାରେ ୩ୟ ସ୍ଥାନରେ ରହିଥିଲେ ।
ପ୍ରାରମ୍ଭିକ ଜୀବନ
ସୁପ୍ରିୟା ଜଗତସିଂହପୁର ଜିଲ୍ଲାରେ ଜନ୍ମଗ୍ରହଣ କରିଥିଲେ । ସେ ଛୋଟବେଳୁ ଜଣେ ଧାବିକା ଭାବରେ ମଧ୍ୟ ସ୍କୁଲରେ ଅନେକ ପୁରସ୍କାର ପାଇଥିଲେ । ମାତ୍ର ମେରୁଦଣ୍ଡ ରୋଗ, ଏପିଲେପ୍ସି ଡିଜର୍ଡର ଏବଂ ରକ୍ତଚାପ ପାଇଁ ସେ ଦୌଡ଼ରୁ ବିରତ ରହିଥିଲେ ।
ଅଭିନୟ ଜୀବନ
ସୁପ୍ରିୟା ୨୦୧୬ରେ ତରଙ୍ଗ ସିନେ ପ୍ରଡକ୍ସନର ଚଳଚ୍ଚିତ୍ର ଲଭ୍ ପାଇଁ କୁଛ୍ ଭି କରେଗାରେ ଅଭିନେତା ବାବୁଶାନ୍ଙ୍କର ନାୟିକା ଭାବରେ ଓଡ଼ିଆ କଥାଚିତ୍ର ଜଗତରେ ଅଭିନୟ ଆରମ୍ଭ କରିଥିଲେ । ଏହାପରେ ସେ ମୁମ୍ବାଇରେ ମଡେଲିଂରେ ଯୋଗ ଦେଇଥିଲେ । ମାତ୍ର ପୁଣିଥରେ ଓଡ଼ିଶା ଆସି ବାବୁଶାନ୍ଙ୍କ ସହ ଓନ୍ଲି ପ୍ୟାର୍ ଚଳଚ୍ଚିତ୍ରରେ ଅଭିନୟ କରିଥିଲେ । ଏହି ଚଳଚ୍ଚିତ୍ରଟି ୨୦୧୮ର ପ୍ରଥମ ଚଳଚ୍ଚିତ୍ର ଭାବରେ ଜାନୁଆରୀରେ ମୁକ୍ତିଲାଭ କରିଥିଲା ।
୨୦୨୧ ମସିହାର ଜାନୁଆରୀ ୨୫ଠାରୁ ଜୀ ସାର୍ଥକରେ ପ୍ରସାରିତ ହେଉଥିବା ଓଡ଼ିଆ ଧାରାବାହିକ କେମିତି କହିବି କହରେ ସେ ଜଣାଶୁଣା ଓଡ଼ିଆ ଅଭିନେତା ସିଦ୍ଧାନ୍ତ ମହାପାତ୍ରଙ୍କ ସହ ନାୟିକା ଭାବରେ ଅଭିନୟ କରୁଛନ୍ତି ।
୨୦୨୨ ମସିହାରେ ତାଙ୍କ ଅଭିନୀତ ଓଡ଼ିଆ କଥାଚିତ୍ର ଆସ୍ତିକ ନାସ୍ତିକ ତରଙ୍ଗ ଟିଭି ଓ ତରଙ୍ଗ ପ୍ଲସ୍ରେ ମୁକ୍ତିଲାଭ କରିଥିଲା ।
ଅଭିନୀତ କଥାଚିତ୍ର
| ବର୍ଷ | ଚଳଚ୍ଚିତ୍ର | ଭୂମିକା | ମନ୍ତବ୍ୟ |
|---|---|---|---|
| ୨୦୧୬ | ଲଭ୍ ପାଇଁ କୁଛ୍ ଭି କରେଗା | ପ୍ରଥମ ଓଡ଼ିଆ କଥାଚିତ୍ର | |
| ୨୦୧୮ | ଓନ୍ଲି ପ୍ୟାର୍ | ନିତ୍ୟା | |
| ୨୦୧୯ | ବିଜୁ ବାବୁ | ||
| ୨୦୨୨ | ଆସ୍ତିକ ନାସ୍ତିକ | ||
| ୨୦୨୨ | ପୁଷ୍କରା | ||
| ୨୦୨୨ | ସ୍ପଟ୍ ବୟ |
ଆଧାର[ସମ୍ପାଦନା | ଉତ୍ସ ସମ୍ପାଦନା]
- ↑ "ଓଲିଉଡ ଭରସା". ସମାଜ. 30 October 2017. Retrieved 30 October 2017.
- ↑ "ବର୍ଷେ ପରେ ପୁଣି ବଡ଼ ପରଦାକୁ ଫେରିଥିବା ହେତୁ ମନରେ କିଛିଟା ଡ଼ରଥିଲା :ସୁପ୍ରିୟା". sambad.in. 19 January 2018. Retrieved 6 February 2018.
- ↑ "ଏହି ଓଡ଼ିଆ ନାୟିକା ପ୍ରଥମ ସିନେମାରେ ପରଦାରେ ଲଗାଇଥିଲେ ନିଆଁ!". sambad.in. 10 January 2018. Retrieved 1 February 2018.
- ↑ "ODIA NEW UPCOMING MOVIE – LOVE PAIN KUCH V KAREGA Babusan and Niharika". ମୋ ଓଡ଼ିଶା. Retrieved 4 September 2016.
- ↑ "ଧ୍ୟାନ କରେ, ଦୌଡ଼େ, କ୍ଷୀର ପିଏ: ସୁପ୍ରିୟା". sambad.in. 30 January 2018. Retrieved 6 February 2018.
- ↑ "Siddhant Mohapatra makes small screen debut with 'Kemiti Kahibi Kaha'". Odisha News In English (in English). Bhubaneswar. 25 January 2021. Archived from the original on 3 July 2022. Retrieved 3 July 2022.
- ↑ "Siddhant Mahapatra acts in television serial after two decades - Times of India". The Times of India (in ଇଂରାଜୀ). Retrieved 2022-07-03.
- ↑ "ସୁପ୍ରିୟାଙ୍କୁ ସୁଯୋଗ ପରେ ସୁଯୋଗ". ପ୍ରମେୟ. 6 July 2022. Archived from the original on 27 October 2022. Retrieved 27 October 2022.
ବାହାର ଆଧାର[ସମ୍ପାଦନା | ଉତ୍ସ ସମ୍ପାଦନା]
- ସୁପ୍ରିୟା ନାୟକ (ଇଣ୍ଟରନେଟ ମୁଭି ଡାଟାବେସରେ)
ଆହାନା ବରାଳ (Aahana Baral)
ଆହାନା ବରାଳ | |
|---|---|
 | |
| ଜନ୍ମ ଓ ଜନ୍ମସ୍ଥାନ | ଜେନାପୁର, ଯାଜପୁର |
| ଜୀବିକା | ଓଡ଼ିଆ ଅଭିନେତ୍ରୀ |
| କାର୍ଯ୍ୟକାଳ | ୨୦୧୭ରୁ-ଏବେଯାଏଁ |
| ଜୀବନସାଥି | ରାକେଶ (ବିବାହ: ୨୦୨୧) |
ଆହାନା ବରାଳ (Ahana Baral) ଜଣେ ଓଡ଼ିଆ କଥାଚିତ୍ର ଅଭିନେତ୍ରୀ । ୨୦୧୭ ମସିହାରେ ସେ ଓଡ଼ିଆ କଥାଚିତ୍ର ଭୈରବ ଓଡ଼ିଆ କଥାଚିତ୍ର ଜଗତରେ ଅଭିନୟ କରିବା ଆରମ୍ଭ କରିଥିଲେ । ପରବର୍ତ୍ତୀ ସମୟରେ ସେ ବ୍ଲାକ୍ମେଲ୍, ଜଙ୍ଗଲ, ଓଏ ଗୀଟାର୍ ଆଦି କଥାଚିତ୍ରରେ ଅଭିନୟ କରିଥିଲେ ।
ବ୍ୟକ୍ତିଗତ ଜୀବନ
ଅହାନା ଯାଜପୁର ଜିଲ୍ଲାର ଜେନାପୁରଠାରେ ଜନ୍ମଗ୍ରହଣ କରିଥିଲେ । ତାଙ୍କ ଡାକ ନାମ ହେଉଛି ମାନୁ । ସେ ଜଣେ ସମାଜସେବୀ ଭାବରେ ମଧ୍ୟ କ୍ଷ୍ୟାତି ଅର୍ଜନ କରିଛନ୍ତି ।
କଥାଚିତ୍ର ଜୀବନ
ଆହାନା ୨୦୧୭ ମସିହାରେ ଓଡ଼ିଆ କଥାଚିତ୍ର ଜଗତରେ ଅଭିନୟ କରିବା ଆରମ୍ଭ କରିଥିଲେ । ତାଙ୍କ ଅଭିନୀତ ପ୍ରଥମ ଓଡ଼ିଆ କଥାଚିତ୍ର ଥିଲା ଭୈରବ, ଯେଉଁଥିରେ ସେ ଅସୀତଙ୍କ ନାୟିକା ଭାବରେ ଅଭିନୟ କରିଥିଲେ । ଏହି କଥାଚିତ୍ରଟିରେ ତାଙ୍କ ସହିତ ଏଲ୍ସା ଘୋଷ, ପପୁ ପମ ପମ, ପିଣ୍ଟୁ ନନ୍ଦ, ସମରେଶ ରାଉତରାୟ, ଶକ୍ତି ବରାଳ, ଦେବୁ ବ୍ରହ୍ମା, ହାଡ଼ୁ, ବିଜୁ ବଡ଼ଜେନା, ରାଜୀବ, ଦେବୀ ବାରିକ, ଜ୍ଞାନ, ଟନିଆ, ଭିକାରୀ ଆଦି କଳାକାରମାନେ ବିଭିନ୍ନ ଭୂମିକାରେ ଅଭିନୟ କରିଥିଲେ ।
୨୦୧୮ ମସିହାରେ ସେ ଅନ୍ୟ ଏକ ଓଡ଼ିଆ କଥାଚିତ୍ର ବ୍ଲାକ୍ମେଲ୍ରେ ଅଭିନୟ କରିଥିଲେ, ଯେଉଁଥିରେ ତାଙ୍କ ସହିତ ଅର୍ଦ୍ଧେନ୍ଦୁ ସାହୁ ଓ ତମନ୍ନା ବ୍ୟାସ ମୁଖ୍ୟ ଭୂମିକାରେ ଅଭିନୟ କରିଥିଲେ । ସିଦ୍ଧାନ୍ତ ମହାପାତ୍ର ଏହି କଥାଚିତ୍ରଟିରେ ଖଳନାୟକ ଭାବରେ କାର୍ଯ୍ୟ କରିଥିଲେ । ମନୋଜ ମିଶ୍ର, ଜର୍ଜ ତିଆଡ଼ି, ରତନ ମେହେର, ସରୋଜ ଦାସ, ରାଜଶ୍ରୀ, ପ୍ରତିଭା ପଣ୍ଡା, ପ୍ରଜ୍ଞା ଖଟୁଆ, ପୁପୁଲ ଭୂୟାଁ, ଗୁଡ୍ଡୁ, ଜ୍ଞାନ, ନଳିନୀ, ବେବି ଆଦି କଳାକାରମାନେ ଏହି କଥାଚିତ୍ରଟିର ବିଭିନ୍ନ ଭୂମିକାରେ ଅଭିନୟ କରିଥିଲେ ।
୨୦୨୧ ମସିହାରେ ତାଙ୍କ ଅଭିନୀତ ଦୁଇଟି କଥାଚିତ୍ର ଜଙ୍ଗଲ ଓ ଓଇ ଗୀଟାର୍ ମୁକ୍ତିଲାଭ କରିଥିଲା । ଜଙ୍ଗଲ କଥାଚିତ୍ରରେ ତାଙ୍କ ସହିତ ସୁରଜ, ଇଲୁ ବାନାର୍ଜୀ, ସରୋଜ ଦାସ, ରବି ମିଶ୍ର ଆଦି କଳାକାରମାନେ ଅଭିନୟ କରିଥିଲେ । ଓଇ ଗୀଟାର କଥାଚିତ୍ରରେ ତାଙ୍କ ସହିତ ନାୟକ ଭୂମିକାରେ ଅଭିନୟ କରିଥିଲେ ଅମନ । ଆର୍.ଜେ. ଗୁଡ୍ଡି, ଦେବୁ ପଟ୍ଟନାୟକ, ଗୁଡ୍ଡୁ, ନମିତା ଦାସ, ଚୌଧୁରୀ ଜୟପ୍ରକାଶ ଦାସ, ରୁନୁ ପାଢ଼ୀ, ଜୀବନ ପଣ୍ଡା ଆଦି କଳାକାରମାନେ ଏହି କଥାଚିତ୍ରଟିର ବିଭିନ୍ନ ଭୂମିକାରେ ଅଭିନୟ କରିଥିଲେ ।
ଅଭିନୀତ କଥାଚିତ୍ର
- ଭୈରବ
- ବ୍ଲାକ୍ମେଲ୍
- ଜଙ୍ଗଲ
- ଓଇ ଗୀଟାର୍
ଆଧାର
- "ଅଭିନେତ୍ରୀ ଆହାନାଙ୍କ ହାତ ଧରିଲେ ରାକେଶ,ସୋସିଆଲ୍ ମିଡିଆରେ ଭାଇରାଲ ହେଉଛି ବିବାହ ଫଟୋ". Prameya. ଭୁବନେଶ୍ୱର. 14 March 2021. Archived from the original on 17 December 2021. Retrieved 17 December 2021.
- ↑ "ଜାଣନ୍ତୁ , କାହିଁକି ସିଦ୍ଧାନ୍ତଙ୍କୁ ଡରୁଥିଲେ ଏହି ନାୟିକା". sambad.in. ଭୁବନେଶ୍ୱର. 27 May 2018. Archived from the original on 17 December 2021. Retrieved 6 June 2018.