ଉତ୍କଣ୍ଠା ପାଢ଼ୀ, ଜଣେ ଓଡ଼ିଆ କଥାଚିତ୍ର ଅଭିନେତ୍ରୀ । ସେ ଓଡ଼ିଆ କଥାଚିତ୍ର ବ୍ୟାଚେଲର ଜରିଆରେ ଓଡ଼ିଆ କଥାଚିତ୍ର ଜଗତରେପ୍ରବେଶ କରିଥିଲେ । ସେ ତାଙ୍କର ପ୍ରଥମ କଥାଚିତ୍ରରେ ହିଁ ଚର୍ଚ୍ଚାର ପରିସରକୁ ଆସିଥିଲେ ।

ଉତ୍କଣ୍ଠା ତାଙ୍କର ପ୍ରଥମ ଚଳଚ୍ଚିତ୍ରରେ ଅଭିନୟ କରିବାବେଳେ ବାଲୋଶ୍ୱରର ଫକୀରମୋହନ ମହାବିଦ୍ୟାଳୟରେ +୨ ବିଜ୍ଞାନ ବିଭାଗରେ ପଢ଼ୁଥିଲେ ।

ଉତ୍କଣ୍ଠା ୨୦୧୩ ମସିହାରେ ବ୍ୟାଚେଲର କଥାଚିତ୍ର ଜରିଆରେ ଓଡ଼ିଆ କଥାଚିତ୍ର ଜଗତରେ ପ୍ରବେଶ କରିଥିଲେ । ଏହି କଥାଚିତ୍ରଟିର ନିର୍ଦ୍ଦେଶନା ଦେଇଥିଲେ ମୃତ୍ୟୁଞ୍ଜୟ ସାହୁ । ଅଖିଳ ପଟ୍ଟନାୟକ ଏହି କଥାଚିତ୍ରଟିରେ ମୁଖ୍ୟ ଭୂମିକା ଅଭିନୟ କରିଥିଲେ । ଉତ୍କଣ୍ଠା ତାଙ୍କର ଏହି ପ୍ରଥମ ଚଳଚ୍ଚିତ୍ରରେ ଛୋଟ ଛୋଟ ପୋଷାକ ପାଇଁ ଚର୍ଚ୍ଚାରେ ଆସିଥିଲେ । ଏହାପରଠାରୁ ସେ ଏବେଯାଏଁ କୌଣସି ଚଳଚ୍ଚିତ୍ରରେ ଅଭିନୟ କରିନାହାନ୍ତି ।