ନିହାରୀକା ଦାଶ, ଜଣେ ଓଡ଼ିଆ କଥାଚିତ୍ର ଅଭିନେତ୍ରୀ । ସେ ଓଡ଼ିଆ କଥାଚିତ୍ର ତୁ କହିବୁ ନା ମୁଁ ଜରିଆରେ ଓଡ଼ିଆ କଥାଚିତ୍ର ଜଗତରେ ଅଭିନୟ ଆରମ୍ଭ କରିଥିଲେ । ସେ ତରଙ୍ଗ ଟିଭିରେ ପ୍ରସାରିତ ଧାରାବାହିକ କିଏ ହେବ ମୋ ହିରୋଇନର ୨ୟ ସଂସ୍କରଣର ବିଜୟିନୀ ହୋଇଥିଲେ ଏବଂ ତରଙ୍ଗ ସିନେ ପ୍ରଡକ୍ସନ୍‌ର ଏହି କଥାଚିତ୍ରରେ ଅଭିନୟର ସୁଯୋଗ ପାଇଥିଲେ ।

ନିହାରୀକା ଦାଶ ଭୁବନେଶ୍ୱର ଜନ୍ମ ହୋଇଥିଲେ ଏବଂ ସେ ଓଡ଼ିଶା କୃଷି ଓ ବୈଷୟିକ ବିଶ୍ଵବିଦ୍ୟାଳୟରେ ସ୍ନାତକୋତ୍ତର ଶେଷ କରିଥିଲେ ।

ନିହାରୀକା ୨୦୧୫ରେ ତରଙ୍ଗ ଟିଭିରେ ପ୍ରସାରିତ କାର୍ଯ୍ୟକ୍ରମ କିଏ ହେବ ମୋ ହିରୋଇନର ୨ୟ ସଂସ୍କରଣର ବିଜୟିନୀ ହୋଇଥିଲେ ଏବଂ ତରଙ୍ଗ ସିନେ ପ୍ରଡକ୍ସନର କଥାଚିତ୍ରରେ ଅଭିନୟ କରିବାର ସୁଯୋଗ ପାଇଥିଲେ । ସେ ତୁ କହିବୁ ନା ମୁଁ କଥାଚିତ୍ର ଜରିଆରେ ଅମ୍ଳାନ ଦାସଙ୍କ ନାୟିକା ଭାବରେ ଓଡ଼ିଆ କଥାଚିତ୍ର ଜରିଆରେ ଅଭିନୟ ଆରମ୍ଭ କରିଥିଲେ । ଓଡ଼ିଶା ଫିଲ୍ମ ପ୍ରଡ୍ୟୁସର୍‌ସ୍ ଆସୋସିଏନ୍ ତରଫରୁ ଆୟୋଜିତ ପୁରସ୍କାର ବିତରଣରେ ଏହି ଚଳଚ୍ଚିତ୍ର ପାଇଁ ନିହାରୀକାଙ୍କୁ ଶ୍ରେଷ୍ଠ ନବାଗତା ପୁରସ୍କାର ମିଳିଥିଲା ।

ସେ ୪ ଇଡିଅଟସ୍, ଟ୍ୱିଷ୍ଟବାଲା ଲଭ୍‍‍ଷ୍ଟୋରୀ ଭଳି କଥାଚିତ୍ରରେ ମଧ୍ୟ କାମ କରିଛନ୍ତି । ଓଡ଼ିଆ କଥାଚିତ୍ର ବ୍ୟତୀତ  ସେ କିଛି ଓଡ଼ିଆ ମ୍ୟୁଜିକ୍ ଭିଡିଓରେ କାମ କରିଛନ୍ତି ଏବଂ କାଳୀଜାଇ ନାମକ ତରଙ୍ଗ ଟିଭିରେ ପ୍ରସାରିତ ଏକ ଧାରାବାହିକରେ ଜାଇ ଭୂମିକାରେ ଅଭିନୟ କରିଥିଲେ ।