ସୁମନ ମହାରଣା
| ସୁମନ ମହାରଣା | |
|---|---|
 | |
| ଜନ୍ମ ଓ ଜନ୍ମସ୍ଥାନ | ସୁମନ ମହାରଣା ଓଡ଼ିଶା, ଭାରତ |
| ଜୀବିକା | ଓଡ଼ିଆ ହାସ୍ୟ ଅଭିନେତା |
| କାର୍ଯ୍ୟକାଳ | ୨୦୦୪-ଏବେଯାଏଁ |
ସୁମନ ମହାରଣା ଜଣେ ଓଡ଼ିଆ କଥାଚିତ୍ର ଏବଂ ଦୂରଦର୍ଶନ ଅଭିନେତା । ସେ ମୁଖ୍ୟତଃ ହାସ୍ୟ କଳାକାର ଭାବରେ ପରିଚିତ । ସେ ୨୦୦୪ ମସିହାରେ ଓଡ଼ିଆ କଥାଚିତ୍ର କଣ୍ଢେଇ ଆଖିରେ ଲୁହ ଜରିଆରେ ଜଣେ ଶିଶୁ କଳାକାର ଭାବରେ ଅଭିନୟ ଆରମ୍ଭ କରିଥିଲେ । ସୁମନ ତାଙ୍କର ପ୍ରଥମ କଥାଚିତ୍ର ପାଇଁ ଶ୍ରେଷ୍ଠ ଶିଶୁ କଳାକାର ପୁରସ୍କାର ପାଇଥିଲେ ଏବଂ କଥାଚିତ୍ର ଲକ୍ଷ୍ମୀ ପ୍ରତିମା ପାଇଁ ଶ୍ରେଷ୍ଠ ହାସ୍ୟ ଅଭିନେତା ପୁରସ୍କାର ପାଇଥିଲେ ।
ପ୍ରାରମ୍ଭିକ ଜୀବନ
ସୁମନ ମହାରଣା ଏକ ଗରିବ ପରିବାରରୁ ଆସିଥିଲେ । ସେ ଭୁବନେଶ୍ୱରର ବସ୍ତି ଅଞ୍ଚଳରେ ହିଁ ବଡ଼ ହୋଇଥିଲେ । ସୁମନଙ୍କର ଉଚ୍ଚତ ୪ ଫୁଟ । ତେଣୁ ସେ ଅଧିକାଂଶ ଚଳଚ୍ଚିତ୍ରର ବାମନ ଭୂମିକା ପାଇଁ ମୁଖ୍ୟତଃ ବଛାଯାଇଥାନ୍ତି ।
ଅଭିନୟ ଜୀବନ
ସୁମନ ଓଡ଼ିଆ କଥାଚିତ୍ର କଣ୍ଢେଇ ଆଖିରେ ଲୁହ ଜରିଆରେ ୨୦୦୪ ମସିହାରେ ଓଡ଼ିଆ କଥାଚିତ୍ର ଜଗତରେ ଅଭିନୟ ଆରମ୍ଭ କରିଥିଲେ । ଏହି କଥାଚିତ୍ରରେ ତାଙ୍କୁ ଶ୍ରେଷ୍ଠ ଶିଶୁ କଳାକାର ପୁରସ୍କାର ମିଳିଥିଲା । ଏହପରେ ସେ ବିଭିନ୍ନ ଓଡ଼ିଆ କଥାଚିତ୍ରରେ ଅଭିନୟ କରିଥିଲେ । ଓଡ଼ିଆ କଥାଚିତ୍ର ଲକ୍ଷ୍ମୀ ପ୍ରତିମା ପାଇଁ ତାଙ୍କୁ ଶ୍ରେଷ୍ଠ ହାସ୍ୟ ଅଭିନେତା ପୁରସ୍କାର ମିଳିଥିଲା ।
ସୁମନ ଓଡ଼ିଆ କଥାଚିତ୍ର ଜଗତରେ ବିଭିନ୍ନ ଭୂମିକାରେ ଅଭିନୟ କରିବା ସହ ଓଡ଼ିଆ ଦୂରଦର୍ଶନ ଅନେକ ଧାରାବାହିକରେ ଅଭିନୟ କରିଛନ୍ତି । ସେ ଧାରାବାହିକ ବ୍ୟତୀତ କିଛି ଦୂରଦର୍ଶନ କାର୍ଯ୍ୟକ୍ରମରେ ମଧ୍ୟ ଉପସ୍ଥାପକ ଭାବରେ କାର୍ଯ୍ୟ କରିଛନ୍ତି ।
ଅଭିନୀତ କଥାଚିତ୍ର
- କଣ୍ଢେଇ ଆଖିରେ ଲୁହ
- ଲକ୍ଷ୍ମୀ ପ୍ରତିମା
- ପ୍ରିୟା ମୋ ଆସିବ ଫେରି
- ମାୟା
- ତୁ ମୋ ଆଖିର ତାରା
- ଜଗୁ ଅଟୋବାଲା
- ଏ ମନ ମାନେନା
- ହେଲା ମତେ ପ୍ରେମ ଜର
- ଶୁଭ ବିବାହ
- ପହିଲି ରଜ
- ଜବରଦସ୍ତ ପ୍ରେମିକ
- ଆଇନ କାନୁନ
- ମୁନ୍ନା- ଏ ଲଭ୍ ଷ୍ଟୋରୀ
- ପ୍ରେମ ରୋଗୀ
- ସ୍ମାଇଲ୍ ପ୍ଲିଜ୍
- ମୁଁ ପ୍ରେମୀ ମୁଁ ପାଗଳ
- ମୁଁ କ'ଣ ଏତେ ଖରାପ
- ଧର୍ମ
ଅଭିନୀତ ଧାରାବାହିକ
- ପରୀ (ସାର୍ଥକ ଟିଭି)
- ତେଜସ୍ୱିନୀ (ତରଙ୍ଗ ଟିଭି)- ଯାଦୁ
- ମୁଁ ବି ତେଜସ୍ୱିନୀ (ତରଙ୍ଗ ଟିଭି)- ଉପସ୍ଥାପକ
ଆଧାର
- "କମେଡିଆନ ସୁମନ ମହାରଣା". Odisha 365. 2 April 2018. Retrieved 12 April 2018.
ବାହାର ଆଧାର[ସମ୍ପାଦନା]
- ସୁମନ ମହାରଣା (ଇଣ୍ଟରନେଟ ମୁଭି ଡାଟାବେସରେ)