ଶଶାଙ୍କ ଶେଖର, ଜଣେ ଓଡ଼ିଆ କଣ୍ଠଶିଳ୍ପୀ । ସେ ଅନେକ ଓଡ଼ିଆ କଥାଚିତ୍ରରେ କଣ୍ଠଦାନ କରିଥିଲେ । ୨୦୧୮ ମସିହାରେ ସେ କଲର୍ସ ଚେନାଲରେ ଆୟୋଜିତ ସଙ୍ଗୀତ ଭିତ୍ତିକ କାର୍ଯ୍ୟକ୍ରମ ରାଇଜିଂ ଷ୍ଟାର୍‌ରେ ସେ ଶ୍ରେଷ୍ଠ ୧୬ ଜଣଙ୍କ ଜାତୀୟ ସ୍ତରରେ ଓଡ଼ିଶାରୁ ପ୍ରତିନିଧିତ୍ୱ କରିଥିଲେ । ଏହାପରେ ସେ ଶ୍ରେଷ୍ଠ ଦଶକୁ ଉନ୍ନୀତ ହୋଇଥିଲେ ।

ଶଶାଙ୍କ ଜଣେ ଗାୟକ ଭାବରେ ଓଡ଼ିଆ କଥାଚିତ୍ର ଜଗରେ ଅନେକ କଥାଚିତ୍ରରେ କଣ୍ଠଦାନ କରିଛନ୍ତି । ତୁ କହିବୁ ନା ମୁଁ, ଲଭ୍ ପାଇଁ କୁଛ୍ ଭି କରେଗା, ହାପି ଲକି ଆଦି ଚଳଚ୍ଚିତ୍ରରେ ତାଙ୍କର କଣ୍ଠଦାନ ଅଧିକ ଲୋକପ୍ରିୟ ହୋଇଥିଲା । ଏହାପରେ ସେ ୨୦୧୮ ମସିହାରେ ହିନ୍ଦୀ ଦୂରଦର୍ଶନ ଚେନାଲ କଲର୍ସ‌ଦ୍ୱାରା ଆୟୋଜିତ କାର୍ଯ୍ୟକ୍ରମ ରାଇଜିଂ ଷ୍ଟାରରେ ଭାଗ ନେଇଥିଲେ । ସେ ଏହି କାର୍ଯ୍ୟକ୍ରମରେ ଶ୍ରେଷ୍ଠ ୧୬ ଜଣଙ୍କ ମଧ୍ୟରେ ଓଡ଼ିଶାରୁ ପ୍ରତିନିଧିତ୍ୱ କରିଥିଲେ ।

୨୦୧୬ ମସିହାର ରାଜ୍ୟ ଚଳଚ୍ଚିତ୍ର ପୁରସ୍କାରରେ ଶଶାଙ୍କଙ୍କୁ ତୁ କହିବୁ ନା ମୁଁ କଥାଚିତ୍ରର ପ୍ରଚ୍ଛଦପଟ ଗାୟକ ଭାବରେ ଶ୍ରେଷ୍ଠ ଗାୟକ ସମ୍ମାନ ମିଳିଥିଲା ।