ବୈଶାଳୀ ପରିଡ଼ା ଜଣେ ଓଡ଼ିଆ କଥାଚିତ୍ର ଅଭିନେତ୍ରୀ । ସେ ୧୯୮୫ ମସିହାରେ ଜଗା ହାତରେ ପଘା ଚଳଚ୍ଚିତ୍ର ଜରିଆରେ ଓଡ଼ିଆ କଥାଚିତ୍ର ଜଗତରେ ଅଭିନୟ ଆରମ୍ଭ କରିଥିଲେ ଏବଂ ୨୦୦୨ ମସିହାଯାଏଁ ଅଭିନୟ କରିଥିଲେ ।

ବୈଶାଳୀ ପରିଡ଼ା ୧୯୮୫ ମସିହାରେ ଓଡ଼ିଆ କଥାଚିତ୍ର ଜଗା ହାତରେ ପଘା ଜରିଆରେ ଓଡ଼ିଆ କଥାଚିତ୍ର ଜଗତରେ ଅଭିନୟ ଆରମ୍ଭ କରିଥିଲେ । ଏହାପରେ ସେ ମମତା ମାଗେ ମୂଲ, ସ୍କୁଲ ମାଷ୍ଟର, ଏଇ ଆମ ସଂସାର, ଯୋର ଯା'ର ମୂଲକ ତାର, ସବୁ ମାୟାରେ ବାୟା, କୁରୁକ୍ଷେତ୍ର, ବଡ଼ ଭାଉଜ, ରଜନୀଗନ୍ଧା, ଲୁଟ ତରାଜ, ମା ମତେ ଶକ୍ତି ଦେ, ହିସାବ କରିବ କାଳିଆ, ବସ୍ତ୍ର ହରଣ ଆଦି ଚଳଚ୍ଚିତ୍ରରେ ଅଭିନୟ କରିଥିଲେ ।

୧୯୯୫ ମସିହାରେ ସେ କୁଳ ନନ୍ଦନ ଚଳଚ୍ଚିତ୍ରରେ ଅଭିନୟ କରିଥିଲେ ଏବଂ ୨୦୦୨ ମସିହାରେ ସମୟ ଖେଳୁଛି ଚକା ଭଉଁରୀ ଚଳଚ୍ଚିତ୍ରରେ ଶେଷଥର ପାଇଁ ଅଭିନୟ କରିଥିଲେ ।