ବବ୍ଲି
| ଅଭିପ୍ସା ପଣ୍ଡା | |
|---|---|
 | |
| ଜନ୍ମ ଓ ଜନ୍ମସ୍ଥାନ | ବାର୍ବି ଫେବୃଆରୀ ୮, ୧୯୯୫ ଓଡ଼ିଶା, ଭାରତ |
| ଜୀବିକା | ଅଭିନେତ୍ରୀ (ଓଡ଼ିଆ) |
| କାର୍ଯ୍ୟକାଳ | ୨୦୦୯ରୁ-ଏବେଯାଏଁ |
| ଜୀବନସାଥି | ରାଜେଶ ମଲ୍ଲିକ (୨୦୧୫- ଏବେଯାଏଁ) |
ଅଭିପ୍ସା ପଣ୍ଡା (ଜନ୍ମ: ୮ ଫେବୃଆରୀ ୧୯୯୫) ଜଣେ ଓଡ଼ିଆ କଥାଚିତ୍ର ଅଭିନେତ୍ରୀ । ସେ ମୟୂରଭଞ୍ଜ ଜିଲ୍ଲାର ବାରିପଦାରେ ଜନ୍ମଗ୍ରହଣ କରିଥିଲେ । ଛୋଟବେଳେ ସେ ଓଡ଼ିଆ ଆଲବମ୍ରେ ଅଭିନୟ ଆରମ୍ଭ କରିଥିଲେ । ଏହାପରେ ସେ ୨୦୦୯ରେ ଓଡ଼ିଆ କଥାଚିତ୍ର କେଉଁ ଦୁନିଆରୁ ଆସିଲ ବନ୍ଧୁ କଥାଚିତ୍ରରେ ଏକ ସହକାରୀ ଭୂମିକାରେ ଓଡ଼ିଆ କଥାଚିତ୍ର ଜଗତରେ ପ୍ରବେଶ କରିଥିଲେ । । ୨୦୧୦ରେ ଆଖି ପଲକରେ ତୁ ଚଳଚ୍ଚିତ୍ରରେ ବବ୍ଲି ନାୟିକା ଭାବରେ ଅଭିନୟ କରିଥିଲେ ।
ପ୍ରାରମ୍ଭିକ ଜୀବନ
ଅଭିପ୍ସାଙ୍କ ଜନ୍ମ ମୟୂରଭଞ୍ଜର ବାରିପଦାରେ ଫେବୃୟାରୀ ୮ରେ ହୋଇଥିଲା । ସେ ତାଙ୍କ ପିତାମାତାଙ୍କର ଦ୍ୱିତୀୟ ସନ୍ତାନ ଥିଲେ । ଘରେ ସାନ ଥିବାରୁ ତାଙ୍କ ନାମ ତାଙ୍କ ମାଆ ପ୍ରଥମେ ବାର୍ବି ରଖିଥିଲେ ହେଲେ ପରବର୍ତ୍ତୀ ସମୟରେ ସାଙ୍ଗମାନଙ୍କଦ୍ୱାରା ଏହି ନାମ ପରିବର୍ତ୍ତୀତ ହୋଇ ବବ୍ଲିରେ ପରିଣତ ହୋଇଥିଲା ।[୩] ନିଜର ମାଆଙ୍କୁ ନିଜର ଆଦର୍ଶ ଓ ପ୍ରେରଣା ଭାବେ ମାନୁଥିବା ବବ୍ଲି ଛୋଟବେଳୁ ନୃତ୍ୟପ୍ରତି ଆକର୍ଷିତ ଥିଲେ । ୨୦୧୧ମସିହାରେ ବବ୍ଲି ବାରିପଦାର ଏମ୍.କେ.ସି ଉଚ୍ଚବିଦ୍ୟାଳୟରୁ ମାଟ୍ରିକ ପାସ୍ କରିଥିଲେ । ଏହାପରେ ସେ ୨୦୧୩ରେ ସେ ବାରିପଦାର ଏମ୍.ପି.ସେ ଜୁନିଅର କଲେଜରୁ ଦ୍ୱାଦଶ ପାସ୍ କରିଥିଲେ ।
କଥାଚିତ୍ର ଜଗତରେ ପାଦ ଦେବା ପରେ ସେ ୨୦୧୫ରେ କଥାଚିତ୍ର ପ୍ରଯୋଜକ ରାଜେଶ ମଲ୍ଲିକଙ୍କୁ ବିବାହ କରିଥିଲେ ।
କଥାଚିତ୍ର ଜୀବନ
ବବ୍ଲି ସପ୍ତମ ଶ୍ରେଣୀରେ ପଢ଼ୁଥିବା ବେଳେ ଜଣେ ଓଡ଼ିଆ ଆଲବମ୍ ନିର୍ଦେଶକଙ୍କ କଥାରେ ଆଲବମ୍ ଜଗତରେ ପ୍ରବେଶ କରିଥିଲେ । ତାଙ୍କ ଅଭିନୀତ ଓଡ଼ିଆ ଅଲବମ୍ 'ସାଧବ ବୋହୁ' ସବୁ ଓଡ଼ିଆଙ୍କ ପାଖରେ ବେଶ୍ ଆଦୃତ ହୋଇଥିଲା ।
୨୦୦୯ ମସିହାରେ ତାଙ୍କୁ କେଉଁ ଦୁନିଆରୁ ଆସିଲ ବନ୍ଧୁ ଚଳଚ୍ଚିତ୍ରରେ ଏକ ସହକାରୀ ଭୂମିକା ମିଳିଥିଲା । ଏହି କଥାଚିତ୍ରଟିର ମୁଖ୍ୟ ଭୂମିକାରେ ସବ୍ୟସାଚୀ ମିଶ୍ର ଏବଂ ଅର୍ଚ୍ଚିତା ସାହୁ ଅଭିନୟ କରିଥିଲେ । ବବ୍ଲି ବୁଦ୍ଧାଦିତ୍ୟ ମହାନ୍ତିଙ୍କ ବନ୍ଧୁ ଭାବରେ ଏହି କଥାଚିତ୍ରଟିରେ ଅଭିନୟ କରିଥିଲେ ।
୨୦୧୦ରେ ବବ୍ଲି ନାୟକ ସବ୍ୟସାଚୀ ମିଶ୍ରଙ୍କ ସହ ଆଖି ପଲକରେ ତୁ ଚଳଚ୍ଚିତ୍ରରେ ନାୟିକା ଭାବରେ ଅଭିନୟ କରିଥିଲେ । ଏହି କଥାଚିତ୍ରରେ ହିନ୍ଦୀ ତଥା ଦକ୍ଷିଣ ଭାରତର ପ୍ରତିଷ୍ଠିତ ଅଭିନେତା ମୁକେଶ ଋଷି ଅଭିନୟ କରିଥିଲେ । ବବି ମିଶ୍ର, ମୀନକେତନ, ଅଶ୍ରୁମୋଚନ ମହାନ୍ତି, ମିହିର ଦାସ, ଗ୍ଲୋରିଆ ମହାନ୍ତି, ପ୍ରିୟଙ୍କା, ବିଜୟ ମହାନ୍ତି, ହରିହର ମହାପାତ୍ର ପ୍ରମୁଖ ଏହି ଚଳଚ୍ଚିତ୍ରଟିରେ ଅଭିନୟ କରିଥିଲେ ।
୨୦୧୧ ମସିହାରେ ବବ୍ଲି ଓଡ଼ିଆ କଥାଚିତ୍ର ଆଇନ କାନୁନରେ ଅଭିନୟ କରିଥିଲେ । ଏହି କଥାଚିତ୍ରଟିରେ ତାଙ୍କ ସହ ନାୟକ ଭାବରେ ଅଭିନୟ କରିଥିଲେ ତନ୍ମୟ ମିଶ୍ର । ମିହିର ଦାସ, ସମରେଶ ରାଉତରାୟ, କୁନା ତ୍ରିପାଠୀ, ପିଣ୍ଟୁ ନନ୍ଦ, ପ୍ରିୟଙ୍କା ମହାପାତ୍ର ଆଦି କଳାକାରମାନେ ଏହି କଥାଚିତ୍ରଟିରେ ଅଭିନୟ କରିଥିଲେ ।
୨୦୧୨ରେ ସେ ଜୟପ୍ରକାଶ ମହାନ୍ତିଙ୍କ ନିର୍ଦ୍ଦେଶିତ କଥାଚିତ୍ର ବ୍ୟାଡ଼୍ ଗାର୍ଲରେ ଅଭିନୟ କରିଥିଲେ । ଏହି କଥାଚିତ୍ରଟିରେ ଲିପି ମୁଖ୍ୟ ଭୂମିକାରେ ଅଭିନୟ କରିଥିଲେ । ବବ୍ଲି ଜଣେ ସହକାରୀ ନାୟିକା ଭାବରେ ଅଭିନୟ କରିଥିଲେ । ଏହି କଥାଚିତ୍ରଟିରେ ମିହିର ଦାସ, ସମ୍ୱିତ ଆଚାର୍ଯ୍ୟ, ଦିପନ୍, ଅପରାଜିତା ମହାନ୍ତି, ବିଜୟ ମହାନ୍ତି ଆଦି କଳାକାରମାନେ ଅଭିନୟ କରିଥିଲେ ।
ଏହାପରେ ୨୦୧୫ରେ ବବ୍ଲି କୃଷ୍ଣଚନ୍ଦ୍ର ମଲ୍ଲିକଙ୍କ ପ୍ରଯୋଜିତ କଥାଚିତ୍ର ଅ ଆ ହର୍ଷେଇରେ ଅଭିନୟ କରିଥିଲେ । ଏହି କଥାଚିତ୍ରଟିରେ ସେ ମୁଖ୍ୟ ନାୟିକା ଭାବରେ ଅଭିନୟ କରିଥିଲେ । ଏହି ଚଳଚ୍ଚିତ୍ରରେ ତାଙ୍କ ସହ ଶ୍ରୀଜଳା ମଧ୍ୟ ସମାନ୍ତରଳ ନାୟିକା ଭାବରେ ଅଭିନୟ କରିଥିଲେ । ଏହି କଥାଚିତ୍ରଟିରେ ଅର୍ଦ୍ଧେନ୍ଦୁ, ପ୍ରିତୀରାଜ ସତପଥୀ, ଅଶ୍ରୁମୋଚନ ମହାନ୍ତି, ଜୀବନ ପଣ୍ଡା ଆଦି କଳାକାରମାନେ ଅଭିନୟ କରିଥିଲେ ।
୨୦୧୫ରେ ମୁକ୍ତିଲାଭ କରିଥିବା ଅନ୍ୟ ଏକ ଚଳଚ୍ଚିତ୍ର ଗଳ୍ପ ନୁହେଁ ଅଳ୍ପ ଦିନରରେ ବବ୍ଲି ଜଣେ ଖଳନାୟିକା ଭାବରେ ଅଭିନୟ କରିଥିଲେ । ଏହି କଥାଚିତ୍ରଟିରେ ଲିପି, ଜିନା ସାମଲ, ଅଜିତ ଦାସ, ଅନିତା ଦାସ, ଅସୀତ ପତି, ଜୟୀରାମ ସାମଲ ଆଦି କଳାକାରମାନେ ଅଭିନୟ କରିଥିଲେ ।
ଆଗାମୀ ଦିନରେ ମୁକ୍ତିଲାଭ କରିବାକୁ ଥିବା ଓଡ଼ିଆ ଚଳଚ୍ଚିତ୍ର ଟିକେ ଅନାଡି ପୁରା ଖିଲାଡିରେ ବବ୍ଲି ନାୟିକା ଭାବରେ ଅଭିନୟ କରିଥିଲେ । ଏହି ଚଳଚ୍ଚିତ୍ରଟିର ନିର୍ଦ୍ଦେଶନା ଦେଇଥିଲେ ଲୋକନାଥ ବାରିକ ଏବଂ ପ୍ରଯୋଜନା କରିଥିଲେ ରବିନ୍ ନନ୍ଦ । କାହଣୀ ଅନୁସାରେ ଏହି ଚଳଚ୍ଚିତ୍ରର ନାୟିକା ଡ. ଶାଲିନୀ ଜଣେ ଯୁବକଙ୍କ ପ୍ରେମରେ ପଡ଼ିଯାଅନ୍ତି ଏବଂ ତାଙ୍କ ପ୍ରେମରେ ଜଣେ ଖଳନାୟକଙ୍କୁ ମଧ୍ୟ ଦେଖାଯାଇଛି । ଏହି କଥାଚିତ୍ରଟିରେ ବବ୍ଲିଙ୍କ ସହ ନାୟକ କରଣ, ରବିନ୍ ନନ୍ଦ ଆଦି ଅଭିନୟ କରିଥିଲେ ।
ଅଭିନୀତ ଓଡ଼ିଆ କଥାଚିତ୍ର
| ବର୍ଷ | ଚଳଚ୍ଚିତ୍ର | ନିର୍ଦ୍ଦେଶକ | ଭୂମିକା | ମନ୍ତବ୍ୟ |
|---|---|---|---|---|
| ୨୦୦୯ | କେଉଁ ଦୁନିଆରୁ ଆସିଲ ବନ୍ଧୁ | ସଞ୍ଜୟ ନାୟକ | ପ୍ରଥମ ଓଡ଼ିଆ କଥାଚିତ୍ରରେ ଅଭିନୟ | |
| ୨୦୧୦ | ଆଖି ପଲକରେ ତୁ | ରବିନ୍ଦ୍ର ପ୍ରଧାନ | ମାମା | ନାୟିକା ଭାବରେ ପ୍ରଥମ ଓଡ଼ିଆ କଥାଚିତ୍ରରେ ଅଭିନୟ |
| ୨୦୧୧ | ଆଇନ କାନୁନ | ଏସ୍ ଶଙ୍କର | ||
| ୨୦୧୨ | ବ୍ୟାଡ଼୍ ଗାର୍ଲ | ଜୟ ପ୍ରକାଶ ମହାନ୍ତି | ପ୍ରଗଳ୍ଭା | |
| ୨୦୧୫ | ଅ ଆ ହର୍ଷେଇ | ଏନ୍. ପାଢ଼ୀ | ||
| ୨୦୧୫ | ଗଳ୍ପ ନୁହେଁ ଅଳ୍ପ ଦିନର | ରିତେଶ ନାୟକ | ଖଳନାୟିକା | |
| ୨୦୧୭ | ଟିକେ ଅନାଡି ପୁରା ଖିଲାଡି | ଲୋକନାଥ ବାରିକ | ଡ. ଶାଲିନୀ | ମୁକ୍ତିଲାଭ ଅପେକ୍ଷାରେ ଥିବା ଓଡ଼ିଆ କଥାଚିତ୍ର |
ଆଧାର
- "Babli". Incredible Orissa. Retrieved 20 July 2016.
- "ODIA FILM ACTRESS BABLI". click2odisha.com(ଆମ ଓଡ଼ିଶା ବିଷୟରେ). Retrieved 20 July 2016.
- "Intervew with Odia Actress Babli". OdiaSantaBanta.in. Retrieved 20 July 2016.
- "Odia actress Babli marrige photo". Retrieved 20 July 2016.
- "Ollywood Celebrity Abhipsa Panda Biography". Ollywood24.com. Retrieved 20 July 2016.
- Palit, Ashok. "Bubbly Tanmaya starrer Aain Kanoon is set to go on theatre soon". OrissaDiary.com. Retrieved 20 July 2016.
- "ବଡ଼ ପରଦାକୁ ଫେରୁଛନ୍ତି ବବଲି!". sambad.in. 8 October 2017. Retrieved 11 October 2017.