ସୁଶ୍ରୀ ରଥ ଜଣେ ଓଡ଼ିଆ କଥାଚିତ୍ର ଅଭିନେତ୍ରୀ । ସେ ଓଡ଼ିଆ କଥାଚିତ୍ର ହେଲୋ- ଇନ୍ ଲଭ୍ ଜରିଆରେ ଓଡ଼ିଆ କଥାଚିତ୍ର ଜଗତରେ ଅଭିନୟ ଆରମ୍ଭ କରିଥିଲେ ।

ସୁଶ୍ରୀ ୨୦୧୫ ମସିହାରେ ଓଡ଼ିଆ କଥାଚିତ୍ର ଜଗତରେ ପ୍ରବେଶ କରିଥିଲେ । ସେ ହେଲୋ- ଇନ୍ ଲଭ୍ କଥାଚିତ୍ର ଜରିଆରେ ତାଙ୍କର ପ୍ରଥମ ଅଭିନୟ ଆରମ୍ଭ କରିଥିଲେ । ଏହି କଥାଚିତ୍ରଟିର ନିର୍ଦ୍ଦେଶନା ଦେଇଥିଲେ ସୁଶାନ୍ତ ମଣି ଏବଂ ସୁଶ୍ରୀଙ୍କ ସ‌ହ ନାୟକ ଭାବରେ ଅଭିନୟ କରିଥିଲେ ନବାଗତ ନାୟକ ସୁଧାଂଶୁ ନାରାୟଣ ଦାସ । ଏହି କଥାଚିତ୍ରଟିରେ ହର ରଥ, ସମରେଶ ରାଉତରାୟ, ଅପରାଜିତା ମହାନ୍ତି, ପ୍ରିୟଙ୍କା ମହାପାତ୍ର ଆଦି କଳାକାରମାନେ ଅଭିନୟ କରିଥିଲେ ।

ଏହାପରେ ସୁଶ୍ରୀ ମନୋରଞ୍ଜନ ପାଲ୍‌ଙ୍କଦ୍ୱାରା ନିର୍ଦ୍ଦେଶିତ କଥାଚିତ୍ର ବେଷ୍ଟ୍ ଅଫ୍ ଲକ୍‌ରେ ଅଭିନୟ କରିଥିଲେ । ମାତ୍ର ଏହି କଥାଚିତ୍ରଟି ଏଯାବତ୍ ମୁକ୍ତିଲାଭ କରିନାହିଁ । ଏହି କଥାଚିତ୍ରଟୀର ଶୀର୍ଷକ ବଦଳାଇ ଡାର୍ଲିଂ ରଖାଯାଇଥିଲା । ସଂପ୍ରତି ସୁଶ୍ରୀ ନାୟକ ଶୁଭମ୍‌ଙ୍କ ସ‌ହ ଅନ୍ୟ ଏକ ଚଳଚ୍ଚିତ୍ରରେ ଅଭିନୟ କରୁଛନ୍ତି । ଏହି ଚଳଚ୍ଚିତ୍ରଟିରେ ଅନ୍ୟ ଜଣେ ନାୟିକା ଝାନ୍‌ସୀ ଅଭିନୟ କରୁଛନ୍ତି । ଏହି ଚଳଚ୍ଚିତ୍ରଟିର ସୁଟିଂ ଚାଲିଛି ।