ସ୍ମରଣୀକା ପ୍ରିୟଦର୍ଶିନୀ ଜଣେ ଓଡ଼ିଆ କଥାଚିତ୍ର ଏବଂ ଦୂରଦର୍ଶନ ଅଭିନେତ୍ରୀ । ସେ ଓଡ଼ିଆ ଧାରାବାହିକ ଏବଂ କଥାଚିତ୍ରରେ ଅଭିନୟ କରିଛନ୍ତି । ୨୦୧୭ରେ ସ୍ମରଣୀକା ବାଣେଶ୍ୱରୀ ଗଣନାଟ୍ୟରେ ଯୋଗଦାନ କରିଥିଲେ ।

ସେ ସାର୍ଥକ ଚେନାଲରେ ପ୍ରସାରିତ କାର୍ଯ୍ୟକ୍ରମ ରଜ କୁଇନ‌ର ବିଜୟିନୀ ହୋଇଥିଲେ । ସେ କଲର୍ସ ଓଡ଼ିଆରେ ପ୍ରସାରିତ ଧାରାବାହିକ ଟୁପୁର ଟାପୁର ଏବଂ ତରଙ୍ଗ ଟିଭିରେ ପ୍ରସାରିତ ଧାରାବାହିକ ଦୁର୍ଗାରେ ଅଭିନୟ କରିଥିଲେ । ଭଲପାଏ ତତେ ୧୦୦ରୁ ୧୦୦, ଝିଅଟା ବିଗିଡ଼ିଗଲା, ପ୍ରେମର ନିଶା ନିଆରା ନିଆରା ଆଦି କଥାଚିତ୍ରରେ ଅଭିନୟ କରିଛନ୍ତି ।

ସ୍ମରଣୀକା ସାର୍ଥକ ଟିଭିରେ ପ୍ରସାରିତ କାର୍ଯ୍ୟକ୍ରମ ମୁଁ ବି ହିରୋଇନ ହେବିରେ ଅଂଶଗ୍ରହଣ କରିଥିଲେ । ଏହି କାର୍ଯ୍ୟକ୍ରମରେ ସେ ଫାଇନାଲ ଯାଏଁ ଯାଇଥିଲେ, ମାତ୍ର ବିଜୟୀ ହୋଇପାରିନଥିଲେ । ୨୦୧୫ର ରଜ କୁଇନରେ ସେ ଭାଗ ନେଇଥିଲେ ଏବଂ ବିଜୟୀ ହୋଇଥିଲେ ।

ସ୍ମରଣୀକା କଲର୍ସ ଓଡ଼ିଆରେ ପ୍ରସାରିତ ଧାରାବାହିକ ଟୁପୁର ଟାପୁରରେ ଅଭିନୟ କରିଥିଲେ । ଏହାପରେ ସେ ତରଙ୍ଗ ଟିଭିରେ ପ୍ରସାରିତ ଧାରାବାହିକ ଦୁର୍ଗାରେ ଅଭିନୟ କରିଥିଲେ ।

୨୦୧୫ରେ ସ୍ମରଣୀକା ଭଲପାଏ ତତେ ୧୦୦ରୁ ୧୦୦ ଚଳଚ୍ଚିତ୍ରରେ ଅଭିନୟ କରିଥିଲେ । ୨୦୧୬ରେ ଝିଅଟା ବିଗିଡ଼ିଗଲା ଏବଂ ପ୍ରେମର ନିଶା ନିଆରା ନିଆରା କଥାଚିତ୍ରରେ ଅଭିନୟ କରିଥିଲେ । ସେ ଏବେଯାଏଁ କୌଣସି ଚଳଚ୍ଚିତ୍ରର ନାୟିକା ଭାବରେ ଅଭିନୟ କରିନାହାନ୍ତି ।

୨୦୧୭ ମସିହାରେ ସ୍ମରଣୀକା ବାଣେଶ୍ୱରୀ ଯାତ୍ର ଗାଁରେ ଯୋଗଦେଇଥିଲେ । 'ବାଃ ବାଃରେ ଉପରବାଲା', 'ତୁ ମୋଦି ମୁଁ ଗାନ୍ଧି', 'କନିଆ ବରକୁ ଦେଖି ଛାନିଆ', 'କି ଯାଦୁ କଲାରେ' ଆଦି ନାଟକରେ ସେ ଅଭିନୟ କରିଥିଲେ ।